اگر زمانہٴ غیبت میں خداوند امام زمانہ ارواحنا فداه کے غائب ہونے پر راضی ہے تو پھر ہم  کیوں آنحضرت کے ظہور کے لئے دعا کریں؟

خداوند امام عصر ارواحنا فداه  کی  غیبت  پر  نہ  تو  کبھی  راضی  تھا  اور  نہ  راضی  ہے۔امام  زمانہ  عجل  اللہ  فرجہ  الشریف  کا  غائب  ہونا  مشيّت  الٰہی  کی  وجہ  سے  ہے  نہ  کہ  یہ  خدا  کی  رضائیت  ہے.

ہمیں مشيّت الهي و رضائیت الهي میں فرق معلوم ہونا  چاہئے . اگر توجه کریں تو مشيّت خداوند کا رضائیت خداوند کے  ساتھ فرق معلوم  ہو  جائے  گا  جس  سے  بہت  سے  اعتقادی  سوالات  حل  ہو  جائیں  گے  اور  ان  کا  جواب  بھی  واضح  ہو  جائے  گا۔

جیسا  کہ  ہم  جانتے  ہیں  کہ امام عصر عجل الله تعالي فرجه الشریف  کی  غیبت میں دنیا  بھر  میں ظلم و ستم اور  دنیا  پر کفر مسلّط  ہے  اور  خداوند کبھی  بھی  دنیا  میں  ظلم  و  ستم  اور  کائنات  پر  کفرکے  غلبہ  سے  راضی نہیں  ہے  کیونکہ  وہ   دنیا  کی  مظلوم  عوام  پر  ہونے  والے ہر  ظلم  و  ستم  سے  آگاہ  ہے۔

یہ  سب  خدا  کی  رضائیت  کی  بنیاد  پر  نہیں  ہے  بلکہ  یہ  مشيت الٰہی  کی  بنیاد  ہر  ہے    اور  مشیت  الٰہی  لوگوں  کے  اعمال  سے  وابستہ  ہے  اور  اگر  لوگ  اپنے  چال  چلن  کو  بدل  لیں  تو  خدا  بھی  اپنی  مشیت  کو  بدل  دیتا  ہے:

«إنّ الله لايغيّر ما بقوم حتي يغيّروا ما بأنفسهم».

خداوند کسی  قوم  پر  وارد  ہونے  والی  چیزوں  کو  نہیں  بدلتا  جب  تک  وہ  خود  اپنے  نفس  کو  نہ  بدلیں۔

مشيّت و رضايت  میں  فرق  کو  روشن  کرنے  کے لئے  ایک  مثال  بیان  کرتے  یں:

اگر  ماں  باپ  اپنے  بچے  کو  ہسپتال  میں  آپریشن  کے  لئے  لے  کر  جائیں  تو  اگرچہ  وہ  یہ  کام  اپنے  ارادہ  و  مشیت  سے  انجام  دیتے  ہیں  لیکن  وہ  کبھی  بھی  اس  سے  راضی نہیں  ہوتے۔یقیناً  وہ  یہ  پسند  کرتے  ہیں  کہ  ان  کا  بیٹا  تندرست  ہوتا  اور  اسے  ہسپتال  اور  آپریشن  کی  ضرورت  نہ  ہوتی۔

خدا  کی  رضائیت  بھی   یہی  تھی  کہ  سب  لوگ  راہ  ہدایت  پر  چلتے  اور  ایک  دوسرے  پر  ظلم  و  ستم  نہ  کرتے  لیکن  افسوس  کہ  عام  لوگوں  اور  شرپسند  افراد  کی  وجہ  سے  غیبت  کا  زمانہ  آیا  اور  جو  اب  تک  جاری  ہے  حلانکہ  خدا  نے  لوگوں  کو  زمانہٴ  غیبت  سے  لئے  خلق  نہیں  کیابلکہ  فرمایا  ہے:

إنّا ارسلنا رسلنا بالبيّنات ليقوم الناس بالقسط.

ہم  نے  اپنے  رسولوں  کو  واضح  نشانیوں کے  ساتھ  بھیجا  تا  کہ  لوگ  عدالت  پر  عمل  کریں۔

لیکن  افسوس  کہ  لوگوں  نے  خدا  کی  رضائیت  کے  برخلاف  عمل  کرتے  ہوئے  ظلم  و  ستم  کیا  اور  خدا  کی  ناراضگی  کا  بھی  خیال  نہ  کیا  اور  دنیا  و  دنیا  والوں  کو  خدا  کی  رضائیت  کے  خلاف  ظلم  وستم  میں  مبتلا  کر  دیا۔

 

المنجي ویب سائٹ