جناب علي کا المنجي ویب سائٹ سے سوال:

امام  زمانہ  عجل  اللہ  فرجہ  الشریف  کے  ظہور  میں  تعجیل  کے  لئے

ہماری  دعاوٴں  کے  کیا  اثرات  ہیں؟

بسم الله الرحمن الرحيم

ہم  آپ  کے  سوال  کو  دو  حصوں  میں  بیان  کرتے  ہیں:

1 ـ بزرگوں  نے  غیبت  کے  زمانے میں  ظہور  کے  لئے  دعائیں  کیں  حلانکہ  ان  کی  دعاوٴں  کا  کوئی  اثر  نہیں  ہوا۔

2 ـ پس  میں  کیوں  دعا  کروں  اور  میری  دعا  کا  کیا  اثر  ہو  گا؟!

آپ  کے  سوال  کے  جواب  میں  ہم  یہ  کہیں  گے  کہ:

اولاً : آپ  یہ  کیسے  کہہ  سکتے  ہیں  کہ  زمانہٴ  ظہور  میں  تعجیل  کے  لئے  بزرگوں  کی  دعاوٴں  کا  کوئی  اثر  نہیں  تھا؟  بیشک  بزرگوں  کی  دعاوٴں  میں  اثر  تھا  اگرچہ  ان  کی  دعائیں  ظہور  کے  وقوع  پذیر  ہونے  کا  باعث  نہیں  بنیں  لیکن  وہ  ظہور  میں  تعجیل  اور  غیبت  کے    زمانے کو  کم  کرنے  کا  باعث  ضرور  بنی  ہیں ۔

ثانياً : آپ  یہ کیسے  کہہ  سکتے  ہیں کہ  آپ  اور  آپ  جیسے  افراد  کی  دعاوٴں  کا  کوئی  اثر  نہیں  ہے؟ شاید  آپ  کی  دعائیں  بھی  ظہور  میں  تعجیل  اور  غیبت  کے  زمانے  کو  کم  کرنے  کے  لئے  موٴثر  ہوں؟اگرچہ  ان  کا  اثر  کم  ہی  ہو۔

ثالثاً :ہم  سب  کی  یہ  ذمہ  داری  ہے  کہ ہم  امام زمانہ  عجل  اللہ  فرجہ  الشریف  کے  ظہور  میں  تعجیل  کے  لئے  دعا  کریں    اور  اگر  اس  کا  کوئی  اثر  ظاہر  نہ  ہو  تو  ہمیں  خدا  کی  رضا  میں  راضی  رہنا  چاہئے  اور  اس  کے  ارادہ  کے  سامنے  سر  تسلیم  خم  کرلینا  چاہئے۔

رابعاً :کیونکہ  ظہور  میں تعجیل  کی  دعا  کرنا  ہم  سب  کی  ذمہ  داری  ہے  جب  کہ  بہت  سے  لوگ  نہ  صرف  اپنی  اس  ذمہ  داری  پر  عمل  نہیں  کرتے  بلکہ  کچھ  گناہوں  کے  مرتکب  ہوتے  ہیں  کہ  جو  غضب  خدا  کا  باعث  بنتا  ہے۔

کیونکہ  ظہور  کا  مسئلہ  بدائیہ  مسائل  میں  سے  ہے  یعنی  گناہوں  کی  وجہ  سے  اس  میں  تاٴخیر  اور  دعاکے  ذریعہ  اس  میں  تعجیل  رونما  ہوتی  ہے  اور  یہ  قابل  بداء  ہے۔اس  بناء  پر  یہ  نہیں  کہہ  سکتے  کہ  ظہور  میں  تعجیل  کے  لئے  دعا  کا  کوئی  اثر  نہیں  ہے۔

وخامساً : جیسا  کہ  ہم  نے  عرض  کیا  ہے  کہ  امام  زمانہ  عجل  اللہ  فرجہ  الشریف  کے  ظہور  میں  تعجیل  کے  لئے  دعا  کرنا  ہم  سب شیعوں  کی  ذمہ  داری  ہے    اور  اس  کے  آثار  اسی  صورت  میں  کامل  ہوں  گے  کہ  جب  ہم  سب  ظہور  میں  تعجیل  کے  لئے  دعا  کریں  گے  جیسا  کہ  حضرت  امام  صادق  علیہ  السلام  فرماتے  ہیں:

وکذلک أنتم لو فعلتم لفرّج الله عنّا ....

اگر  تم سب  بھی  ان  کی  طرح  دعا  کرو ـ  جیسا  کہ سب بني اسرائيل نے دعا کی ـتو  خداوند فرج و  ظہور  فرما  دے  گے ...

اس  بناء  ہر  اس  عمل  کے  اثرات  کی  جستجو  نہ  کریں  کہ  جو  ہم  سب  کی  ذمہ  داری  ہے  اور جس پر  ہماری  دعاوٴں  کے  اثرات  مرتب  ہوتے  ہیں،جب  کہ  بہت  سے  لوگ  اپنی  اس  ذمہ  داری  سے  غافل  ہیں  اور  اپنی  ذمہ  داریوں کو  ادا  نہیں  کر  رہے۔

مذکورہ  بیان  سے  ظہور  کے  لئے  دعا  کے  اثرات  واضح  ہو  گئے  ۔ظہور  میں  تعجیل  کے  لئے  کی  جانے  والی  دعا  کے  تعجیل  فرج  کے  علاوہ  خود  دعا  کرنے  والے  کے  لئےبھی  بے  شمار  آثار  و  اثرات  ہیں  کہ  جو  کتاب «مکيال المکارم» اور  کتاب  «الصحيفة المبارکة المهدية» میں  ذکر  ہوئے  ہیں.

 

المنجي ویب سائٹ