(۱۰)

دسویں زیارت

سید بن طاؤس رحمہ اللہ نے کتاب ’’مصباح الزائر ‘‘ میں فرمایا ہے : روایت ہوا ہے کہ ایک شخص امام حسین علیہ السلام کی زیارت کے لئے آیا اور اس نے اپنی سواری کو سائے میں باندھ دیا ، اور بڑے آرام اور وقار کے ساتھ چلنے لگا ، یہاں تک کہ دروازے کے پاس کھڑا ہوا گیا  اور پھر اس نے اپنے ہاتھ سے ضریح کی طرف اشارہ کرتے ہوئے کہا :

اَلسَّلاَمُ عَلَيْكَ يَا وَلِيَّ اللَهِ وَحُجَّتَهُ، سَلاَمَ مُسَلِّمٍ لِلهِ فِيكَ، رَادٍّ إِلَى اللهِ‏ وَإِلَيْكَ، مُرَاعٍ حَقَّ مَا اسْتَرْعَاكَ اللهُ خَلْقَهُ، وَاسْتَرْعَاكَ حَقَّهُ، فَأَنْتَ حُجَّتُهُ‏ الْكُبْرى، وَكَلِمَتُهُ الْعُظْمَى، وَطَرِيقَتُهُ الْمُثْلى، وَحُجَّتُهُ عَلَى أَهْلِ الدُّنْيَا، وَخَلِيفَتُهُ فِي الْأَرْضِ وَالسَّمَاوَاتِ الْعُلى. أَتَيْتُكَ زَائِراً وَلِآلاَءِ اللهِ ذَاكِراً، أَصْبَحَ ذَنْبِي عَظِيماً، وَأَصْبَحْتَ بِهِ‏ عَلِيماً، فَكُنْ  لي بِحَطِّهِ زَعِيماً، صَلَّى اللهُ عَلَيْكَ وَسَلَّمَ تَسْلِيماً.

اے  خدا کے ولی اور اس کی حجت ! آپ پر سلام ہو ، اس کا سلام جو خدا کی بارگاہ میں آپ کے بارے میں سراپا تسلیم ہے ، جو خدا کی طرف اور آپ  کی طرف ردّ کرنے والا ہے ، اور اس حق کی رعایت کرتا ہے جو  خدانے آپ سے اس  کی مخلوق کے بارے میں طلب کیا ہے ، اور آپ سے طلب کیا ہے کہ اس کے حق کی رعایت کریں ، آپ حجتِ کبریٰ ، عظیم نشانی ، اور اس کی بہترین راہ ہیں ، اور آپ دنیا والوں پر اس کی حجت ہیں ، اور آپ زمین اور بلند آسمانوں میں اس کے خلیفہ و جانشین ہیں ، میں آپ کے پاس زیارت کے لئے آیا ہے ، اور میں نے خدا کی نعمتوں کو یاد کیا ، میرے گناہ بہت بڑے ہو گئے ہیں ، اور آپ ان کے بارے میں اچھی طرح جانتے ہیں ، پس میرے لئے انہیں مٹانے کی ذمہ داری لے لیں ، آپ پر خدا کا درود و سلام ہو ۔ 

پھر اپنا دایاں رخسار ضریح پر رکھ کر کہو :

أَتَيْتُكَ لِلذُّنُوبِ مُقْتَرِفاً، فَكُنْ لي إِلَى اللهِ‏ شَافِعاً، فَهَا أَنَا ذَا قَدْ جِئْتُ عَنْهُنَّ نَازِعاً إِلَى اللهِ أَتَنَصَّلُ، وَبِكُمْ يَا آلَ ‏مُحَمَّدٍ أَتَوَسَّلُ الْآخِرَ مِنْكُمْ وَالْأَوَّلَ، صَلَّى اللهُ عَلَيْكُمْ، وَسَلَّمَ وَكَرَّمَ ‏وَأَجْزَلَ، وَرَحْمَةُ اللهِ وَبَرَكَاتُهُ.

میں آپ کے پاس اپنے گناہوں کا اعتراف کرتے ہوئے آیا ہوں ، پس خدا نے نزدیک میرے شفیع بن جائیں ، میں اب اس حال میں آیا ہوں کہ ان سے جدا ہو چکا ہوں  اور خدا کی بارگاہ میں ان سے برائت کا اظہار کرتا ہوں ، اور اے آل محمد (صلی اللہ علیہ و آلہ و سلم) میں آپ  کے اوّ ل اور آخر سے توسل کرتا ہوں، آپ پر خدا کا درود و سلام ، اکرام اور اس کی رحمت و برکات ہوں ۔

پھر وہ شخص ضریح کے سامنے کھڑا ہو گیا  اور بہت زیادہ نمازیں پڑھیں ، پھر دعا کی اور استغفار کیا ، سجدہ کیا اور اپنا چہرہ خاک پر ملا ، میں اس شخص کے قریب گیا تو میں نے سنا کہ وہ اپنے سجدہ میں کہہ رہا تھا ۔

إِلَهي إِيَّاكَ قَصَدْتُ وَ إِلَى وَلِيِّكَ وَابْنِ وَلِيِّكَ وَفَدْتُ، نَازِلاً بِعُقُوبَتِكَ، عَائِذاً بِعَفْوِكَ مِنْ عُقُوبَتِكَ، فَارْحَمْ غُرْبَتِي، وَ أَقِلْ عَثْرَتِي، وَ اقْبَلْ تَوْبَتِي، وَ أَحْسِنْ أَوْبَتِي، مَشْكُورَ الْبَصِيرَةِ، مَغْفُورَ الْعَلاَنِيَةِ وَ السَّرِيرَةِ مِنْ كُلّ‏ كَبِيرَةٍ وَ صَغِيرَةٍ.أَللَّهُمَّ ارْحَمْ ضَرَاعَتي إِلَيْكَ، وَ تَقَبَّلْ شَفَاعَتِي بِهِ إِلَيْكَ، وَ اقْضِ حَاجَتِي‏ وَ وَسِيلَتِي بِهِ لَدَيْكَ، وَ اجْعَلْهَا نَجَاتِي مِنَ النَّارِ، وَ سُوءِ هَذِهِ الدَّارِ، وَ حَطِيطَةً لِذُنُوبِي وَ الْآصَارِ، يَا عَالِمَ الْخَفَايَا وَ الْأَسْرَارِ.إِلَهِي إِنِّي امْتَطَيْتُ إِلَيْكَ الْمَهَانَةَ، وَادَّرَعْتُ الْمَثَابَةَ، لَأْياً بَعْدَ لَأْيٍ ، في غُدُوِّي وَمَسَائِي إِلَى أَئِمَّتِي وَ أَوْلِيَائِي، فَابْعَثْنِي في أُسْرَتِهِمْ، وَاحْشُرْنِي في زُمْرَتِهِمْ، يَوْمَ أُدْعَى مِنَ الْحَافِرَةِ لِحُضُورِ السَّاهِرَةِ، وَمَوْقِفِ الْحِسَابِ وَالْآخِرَةِ.

میرے معبود ! میں نے تیرا قصد کیا ہے اور میں تیرے ولی اور تیرے ولی کے فرزند کی طرف آیا ہوں ، اور تیرے عفو و بخشش کے ذریعہ اپنے کیفر و انجام سے پناہ مانگتا ہوں ، پس میری غربت پر رحم فرما ، اور میری لغزشوں سے درگزر فرما ، اور میری توبہ کو قبول فرما ، اور (اپنی طرف) میری بازگشت کو  بہتر بنا ، جب کہ اس کی بصیرت قابل ستائش ، اور اس کے ظاہر و مخفی اور کبیرہ و صغیرہ گناہ بخش دیئے گئے ہوں ۔ خدایا ! اپنی بارگاہ میں میری خواری اور تضرع پر رحم فرما ، اور ان کے وسیلہ سے میری شفاعت کو قبول فرما ، میری حاجت پوری فرما ، اور ان کے وسیلہ سے اپنے نزدیک میرے توسل کو قبول فرما ، اور اسے میرے لئے آگ سے نجات کا باعث قرار دے ، اور اسے اس دنیا میں میری برائیوں ، میرے گناہوں اور خطاؤں کے لئے خاتمہ قرار دے ، اے آشکار و نہاں کے عالم ۔ میرے معبود ! میں اپنی حقارت کو تیری بارگاہ میں کھینچ کر لایا ہوں ، اور میں نے توبہ و بازگشت کا لباس پہنا ہے ، صبح و شام شدت و سختی کے بعد میں اپنے امام اور سید و اولیاء کی بارگاہ کا رخ کیا ہے ، پس مجھے ان کے گروہ میں مبعوث فرما ، اور ان کے زمرہ میں محشور فرما ، جس دن قبروں سے روئے زمین پر حساب اور آخرت کے لئے بلایا جائے گا ۔

پھر اس شخص نے اپنے دونوں رخسار خاک پر ملے اور تضرع و گریہ کیا اور کہا :

يَا ذَا الْجَلاَلِ وَ الْإِكْرَامِ، يَا ذَا الْحَوْلِ وَالطَّوْلِ، يَا ذَا الْقُوَّةِ وَ الْحَوْلِ، نَجِّنِي مِنْ خَطَلِ الْعَمَلِ وَ الْقَوْلِ، وَ آمِنِّي يَوْمَ الْفَزَعِ وَ الْهَوْلِ.

اے صاحب جلال و اکرم ، اے صاحب قدرت و احسان ، اے صاحب طاقت و قوت ، مجھے عمل اور قول کی خطاؤں سے رہائی دے ، اور مجھے وحشت اور خوف  کے دن امان دے ۔

پھر وہ شخص بیٹھ کر بہت دھیمی سی آواز میں کچھ کہہ رہا تھا ؛ جسے میں سمجھ نہیں سکا ، پھر وہ اٹھا اور امام حسین علیہ السلام کے بالائے سر کے مقام پر کھڑا ہو گیا اور اس نے کہا :

اَلسَّلاَمُ عَلَيْكَ وَعَلَى مَنِ اتَّبَعَكَ، وَشَهِدَ الْمَعْرَكَةَ مَعَكَ، وَالْوَارِدِينَ‏ مَصْرَعَكَ، يَا لَيْتَنِي كُنْتُ مَعَكُمْ فَأَفُوزَ فَوْزاً عَظِيماً، أَتَيْتُكَ زَائِراً يَا وَلِيّ‏ اللهِ وَ ابْنَ وَلِيِّهِ، وَوَصِيَّ نَبِيِّهِ، وَانْصَرَفْتُ مُوَدِّعاً غَيْرَ سَئِمٍ وَلاَ قَالٍ، فَاجْعَلْنِي مِنْكَ بِبَالٍ.

سلام ہو آپ پر اور ان پر جنہوں نے آپ  کی پیروی کی ، اور جو آپ کے ساتھ معرکہ میں حاضر تھے ،  اور جو آپ کے ساتھ قتلگاہ میں وارد ہوئے ۔ اے کاش ! میں بھی آپ  کے ساتھ ہوتا اور عظیم کامیابی حاصل کر لیتا ، میں آپ کا زائر بن کر آیا ہوں،  اے ولی  خدا اور اس کے ولی کے فرزند ، اور اس کے نبی کے وصی ، اب میں واپسی کے لئے وداع کر رہا ہوں جب کہ میں نہ تو دل تنگ ہوں اور نہ ہی خستہ حال ہوں ، پس مجھے اپنا مورد اعتناء قرار دے ۔

پھر وہ شخص اپنی سواری کی طرف گیا اور سوار ہو کر چلا گیا ، نہ تو میں نے ان سے کوئی بات کی اور نہ ہی انہوں نے مجھے سے کوئی بات کی ۔ [1]

 

---

[1] ۔ مصباح الزائر : ۲۵۰