حضرت امام محمّد باقر عليه السلام کے بارے میں کچھ مطالب
*******************************************************
امام محمد باقر علیه السلام کی شہادت (سات ذی الحجہ ۱۱۴ ھ)
*******************************************************
دوست اور دشمن کی نظر میں
امام باقر علیه السلام کی عظمت
شيخ مفيد فرماتے ہیں : امام حسن اور امام حسين عليهما السلام کی اولاد میں سے دین ،گذشتہ لوگوں،پیغمبر اکرم صلى الله عليه وآله وسلم کے اقوال ،قرآن ،تاریخ اور ادبیات کے بارے میں جتنی روایات امام باقر عليه السلام سےظاہر ہوئی ہیںاتنی روایات کسی اور سے ظاہر نہیں ہو ئیں .(1)
اگرچہ ابن حجر سنّى ناصبى تھا اور اہلبیت اطہار علیہم السلام سے بغڈ رکھنے کے باوجود وہ امام باقر عليه السلام مىں کہتا ہے:
وہ علم و دانش کو چیرنے والے،اس کا احاطہ کرنے والے،اسے ظاہر کرنے والے اور اسے بلند کرنے والے تھے۔وہ صاف دل ،پاک علم و عمل،پاکیزہ نفس اور اچھے اخلاق کے مالک تھے،انہوں نے اپنی تمام عمر خدا کی اطاعت میں بسر کی اور آپ بحر عرفان میں ایسے غرق تھے کہ زبان جس کی توصیف بیان کرنے سے عاجز ہے۔آپ نے عرفان و سلوک کے بارے میں بے شمار کلمات ارشاد فرما ئے کہ جن کو بیان کرنے کی مجال نہیں ہے۔.(2)
آپ کے ایک حکیمانہ مواعظہ حسنہ میں سے یہ ہے کہ آپ نے فرمایا :
الكمال كلّ الكمال : التفقّه في الدين ، والصبر على النائبة ، وتقدير المعيشة .(3)
آدمی کا پورا کمال یہ ہے کہ وہ دین میں بصسیرت اور آگاہی پیدا کرے ،سختیوں پر صبر و استقامت کا دامن نہ چھوڑے اور زندگی گذارنے میں ایک معین حد و اندازہ رکھتا ہو .
نیز آپ نے فرمایا ہے :
من لم يجعل اللَّه له في نفسه واعظاً فإنّ مواعظ الناس لن تغني عنه شيئاً.(4)
جس میں خدا و عظ و نصیحت قرار نہ دے تو اسے لوگوں کی وعظ و نصیحت کو ئی فا ئدہ نہیں پہنچا ئے گی .
اور آپ نے مزید فرمایا :
من اُعطي الخُلق والرفق فقد اُعطي الخير والراحة، وحسن حاله في دنياه وآخرته، ومن حرم الخلق والرفق كان ذلك سبيلاً إلى كلّ شرّ وبليّة إلّا من عصمه اللَّه .(5)
جس کو اچھا اخلاق اور نرمی ومہربانی عطا کی گئی ہو تو اس کو ہر طرح کی اچھا ئی اور آرام دیا گیا ہے اور دنیا و آخرت میں اس کا حال اچھا ہوتا ہے اور جسے اخلاق اور نرمی و مہربانی سے محروم رکھا گیا ہو تو اس کے لئے ہر برا ئی اور بلا کا راستہ کھول دیا جاتا ہے مگر یہ کہ خدا اسے محفوظ رکھے .
1) مناقب ابن شهراشوب: 195/4.
2) مطالب السؤول : 100 .اس کتاب کے مؤلّف شيخ كمال الدين محمّد بن طلحه شافعى ہیں۔
3) تحف العقول: 292، بحار الأنوار : 172/78.
4) تحف العقول: 293، بحار الأنوار : 173/78.
5) كشف الغمّة: 133/2، بحار الأنوار : 186/78 ح 23.
منبع: فضائل اهل بیت علیهم السلام کے بحر بیکراں سے ایک ناچیز قطرہ:جلد اول صفحه 541
بازديد امروز : 210979
بازديد ديروز : 300908
بازديد کل : 122100935
|