(3)

حضرت فاطمه زهرا سلام الله علیها

کے دفتر میں ذاکرین و روضہ خوان حضرات کا نام

کتاب «چهره درخشان حسین بن علی علیهما السلام ص227 - 230» میں  یوں  لکھتے  ہیں:

عالم بے  نظیراور مكتب اهل بيت عصمت و طهارت عليهم السلام  کے  حامی  جناب  حجة الاسلام و المسلمين حاج سيد مرتضى مجتهدى سيستانى نے  نقل  کیا  ہے:

میرے  چچا  بزرگوار ثقه المحدثين مرحوم جناب  حاج سيد ابراهيم مجتهدى سيستانى اعلى الله مقامه قدیم  ذاکرین  اور  اہل  منبر  میں  سے  تھے  اور آستان قدس رضوى حضرت على بن موسى الرضا عليه السلام کے  خآدم  تھے۔انہوں  نے  ایک  بہت  اہم  خواب  دیکھا  کہ  جو  تمام  ذاکریں  اور حضرت سيدالشهداء عليه السلام   کی  بارگاہ  کے  خادموں  کے لئے  ایک  درس  ہے  کہ  وہ حضرت صديقه كبرى فاطمه زهرا عليهاالسلام کی  خدمت  میں  مشرف ہوئے  ہیں  اور  آپ  نے  بی  بی  فاطمہ  علیہا  السلام  کے  سامنے  ایک  رجسٹر  کھلا  ہوا  دیکھا  تو  آنحضرت  سے  سوال  کیا  کہ  یہ  رجسٹر  کیسا  ہے؟

حضرت فاطمه زهرا عليهاالسلام ان  کے  جواب  میں  فرماتی  ہیں: میں  اپنے  بیٹے حسين  کے  ذاکروں  کا  نام  اس  میں  لکھتی  ہوں۔

انہوں  نے  دیکھا  کہ  اس  میں  کچھ  مرثيه خوان  حضرات  کے  نام  درج  ہیں  نیز  محرم  و  صفر  میں  مجالس  پڑھنے  کی  غرض  سے  انہیں  جتنے  پیسے  دیئے  جاتے  ہیں  ،وہ  بھی  دقیق  درج  ہیں۔

 مرحوم نے  دیکھا  کہ  رجسٹر  میں  ان  کا  نام  بھی  لکھا  ہے  اور  اور  نام  کے  سامنے  تیس  تومان!بھی  لکھا  ہوا  ہے۔

نیند  سے  بیدار  ہوئے    اور  انہوں  نے  جو  خواب  دیکھا  تھا  اس  پر  بہت  حیران  ہوئے  کیونکہ  اس  زمانے  میں  ایک  مجلس  کے  لئے تیس  تومان  اگرچہ  زیادہ  رقم  تھی   لیکن  دو  ماہ    اور  زیادہ  مجالس  کے  لئے  قابل  یقین  نہیں  تھی۔

اتفاقا اس  سال ابھی  تک ماہ  محرم  کے  کچھ  دن  باقی  تھے  ار  وہ  بیمار  ہو  گئے  یہاں  تک  کہ  بیماری  کی  وجہ  سے  گھر  سے  باہر  نکلنے  پر  بھی  قادر  نہیں  تھے۔ان  کی  بیماری  باقی  رہی  یہاں  تک  کہ  ماہ  محرم  و  صفر  گزر  گئے۔ان  دو  مہینوں  کے  دوران  صرف  ایک  دن  ان  کی  حالت  قدرے  بہتر  ہوئی  اور  انہوں  نے  اپنی  ایک  مجلس  میں  شرکت  کی  اور  مجلس  کے  بعد  صاحب   خانہ  نے    انہیں  ایک  لفافہ  دیا  کہ  جس  میں  تیس  تومان  تھے۔

اس  کے  بعد  ان  کے  خواب  کا  سچ  ہونا  ثابت  ہو  گیا  اور  اس  سے  یہ  واضح  ہوتا  ہے  کہ  حضرت فاطمه زهرا عليهاالسلام  مجالس عزا  اور  اسی  اسی  طرح مرثيه خوان حضرات  پر  کس  قدر  مہربان  ہیں    اور  کس  یہ  سب  نظم  و  ضبظ  کے  ساتھ  آنحضرت  کے  دست  قدرت  میں  ہے۔

اخلاص  اور  عقیدت  سے  برپا  کی  جانے  والی مجالس  عزا اور روضہ  خوانی  کی  اہمیت  کے  روشن  ہونے  کے  لئے  اور  ان  پر حضرت فاطمه زهرا عليه السلام خاص  عنایات  کے  لئے  اس  روایت  پر  غور  کریں :

ایک  روایت  میں  امام صادق عليه السلام فرماتے  ہیں:

ما من باك يبكيه الا وقد وصل فاطمه و اسعدها عليه و وصل رسول الله صلى الله عليه و آله و ادى حقنا(1)

کوئی  ایسا  شخص  نہیں  ہے  کہ  جو امام حسين عليه السلام کے  لئے  گریہ  کرے  لیکن  اس  کا  یہ  رونا حضرت فاطمه عليه السلام تک  نہ  پہنچے  اور  امام  حسین  علیہ  السلام  پر  رونے  کے  لئے  اس  کی  مدد  کرتی  ہیں  اور  وہ رسول خدا صلى الله عليه و آله تک  پہنچ  جاتا  ہےاور  (اس  بارے  میں)ہمارا  حق  ادا  کرتی  ہیں۔

امام  حسین  علیہ  السلام  پر  رونے  کے  سلسلہ  میں  امام  صادق  علیہ  السلام  دوسری  روایت  میں  فرماتے  ہیں:

...انه لينظر الى من يبكيه فيستغفر له و يسال اباه الاستغفار له و يقول : ايها الباكى لو علمت ما اعد الله لك لفرحت اكثر مما حزنت و انه ليستغفر له من كل ذنب و خطيئه .(2)

جو  کوئی  امام حسين عليه السلام پر  روٴے  توآنحضرت  اس کی  طرف  نگاہ  کرتے  ہیں  اور  پھر  اس  کے  لئے  استغفار  کرتے  ہیں  اور  حضرت اميرالمومنين عليه السلام سے  چاہتے ہیں  کہ  وہ  بھی  اس  کے  لئے طلب  مغفرت  کریں  اور  رونے  والے  سے  فرماتے  ہیں:اگر  تم  یہ جان  لیتے  کہ  خداوند  نے  تمہارے  لئے  کیا  چیز  فراہم  کی  ہے  تو  تم  جس  قدر  غمگین  ہو  اس  سے  کہیں  زیادہ  مسرور  ہوتے  اور  امام حسين عليه السلام اس  کے  لئے  انجام  دیئے  گئے  ہر خطا  وگناہ  کے  سلسلہ  میں  مغفرت  طلب کریں  گے ۔

       يك قطره اشك در غم آن خسرو شهيد          صدنامه سياه گنه مى كند سفید

روایت  سے  یہ  استفادہ  کیا  جاتا  ہے  کہ  امام  حسین  علیہ  السلام  مجالس  عزا  کو  دیکھتے  ہیں  اور ان  مجالس  میں  آنے  والوں  کو  یہ  معلوم ہونا چاہئے  کہ  انہیں  امام  حسین  علیہ  السلام  دیکھ  رہے  ہیں  ،اس  لئے  مکمل  احترام  اور  اداب  کی  رعائت  کی  جائے۔

دوسرا  اہم  ترین  نکتہ  یہ  ہے  کہ  امام  حسین  علیہ  السلام  پر  گریہ  کرنے  والوں  کو  گریہ  و  عزاداری  کرنے  کے  بعد خدا  سے منتقم  خون  حسین  علیہ  السلام حضرت  امام  زمانہ  عجل  اللہ  فرجہ  الشریف  کے  ظہور  میں  تعجیل  کی  دعا  کرنی  چاہئے۔اس  صورت  میں  آپ  پر  امام  زمانہ  عجل  اللہ  فرجہ  الشریف  کی  عنایات  بھی  ہوں  گی۔

ایک  روٴیا  صادقہ میں حضرت امام عصر عليه السلام ارواحنا فداه فرماتے ہیں:

انى لادعو لكل مومن يدعو لى بعد ذكر مصائب سيدالشهدا فى مجالس العزاء (3)

میں  یقیناً  ہر  بایمان  شخص  کے  لئے  دعا  کرتا  ہوں  کہ  جومجالس  عزا  میں  سید  الشہداء  علیہ  السلام  کے  مصائب  کے  بعد  میرے  لئے  دعا  کرے۔

 

-----------------------------------------------------

(1) بحارالانوار ج 45 ص 206.

(2) بحارالانوار ج 27 ص 300.

(3) مکیال المکارم ج 1 ص 334.

 

 

منبع:  «سایت مناجات»سے  ماٴخوذ      

کتاب چهره درخشان حسین بن علی علیهما السلام