(3)

سخنرانى معاوية بن يزيد بن معاويه

  يعقوبي لکھتے  ہیں: معاوية بن يزيد بن معاويه كه جس  کی  ماں امّ هاشم بنت ابوهاشم بن عتبة بن ‏ربيعه تھی،جس  نے  چالیس  دن  اور  ایک  قول  کے  مطابق  چار  مہینہ  حکومت  کی  اچھی  تھی  اور  اس  نے  لوگوں  سے  خطاب  کیا  اور  کہا:

خدا  کی  حمد  و  ثناء  کے  بعد  ،اے  لوگو!تمہارے  ذریعہ  ہمارا  امتحان  لیا  گیا  اور  ہمارے  ذریعہ  تمہارا،اور  میں  اس  چیز  سے بے  خبر  نہیں ہوں کہ  تم ہمیں  پسند  نہیں  کرتے  اور  ہمیں  برابھلا  کہتے  ہو

  اور  بیشک  میرے  جدمعاوية بن ابى سفيان نے  خلافت  کے  سلسلہ  میں اس  کے  ساتھ  نزاع  کی  کہ  جو  پیغمبرخداۖ  سے  تعلق  و  رشتہ  داری،اسلام اور امر خلافت کا مستحق  اور شايسته  تھا۔

میرا  جد  تمہارے سلسلہ  میں ایسے گناہوں  کا  مرتکب  ہو اکہ  جسے  تم  جانتے  ہو  اور  تم  نے  بھی  ان  کے  ساتھ  ایسا  ہی  سلوک  کیاکہ  جس  کا  تم  انکار  نہیں  کر  سکتے۔یہان  تک  کہ وہ  ہلاک  ہو  گیا  اور  اسے  اس  کے  اعمال  کا  صلہ مل  گیا  اور  پھر  میرے  باپ  کو  حاکم  بنا  دیا  گیا  جب  کہ  اس  سے  خیر  کی  امید  نہیں  کی  جا  سکتی  تھی،پس  وہ  ہوا  و  ہوس  کی  سواری  پر  سوار  ہو  اور  اس  نے  اپنے  گناہوں  کو  بھی  نیکی کا  لبادہ  پہنایا  لیکن اس  کی ہر  آرزو  پوری  نہ  ہوئی  اور  موت  نے  اس  کا  ہاتھ  تھام  لیا،اس  کی  طاقت  اپنے  انجام  کو  پہنچی،اس  کی  مدت  تما  ہوئی  اور  اسے  اپنی  بداعمالیوں  اور  گناہوں کا  صلہ  مل  گیا۔

پھر  اس  نے  گریہ  کرتے  ہوئے  کہا:میرے  نزدیک سب  سے  ناگوار  چیز  اس کی  بری  موت  اور  اسے  برے  لفظوں  اور  رسوائی سے  یاد  کرنا  ہےکہ  اس  نے  خاندان  پیغمبرۖ  کو  قتل  کیا،کعبہ  کی  حرمت  کو  پامال  کیااور  اسے  نذر  آتش  کیا۔

میں  وہ  نہیں  ہوں کہ  جو  تمہاری  خلافت  کی  باگ  دوڑ  سنبھالوں  اور  تمہارے  امور  چلاوٴں۔اب  تم  جانو  اور  تمہاری  خلافت۔خدا  کی  قسم!اگر  دنیا  غنیمت  ہے  تو  ہم  نے  اس  سے  استفادہ  کیا  اور  اگر  یہ  آل  ابوسفیان  کے  لئے  خسارہ  ہے  تو  اس  کے لئے  اتنا  ہی  کافی  ہے.(1)

------------------------------

1) تاريخ يعقوبى: 195/2.

 

منبع : معاويه ج ...  ص ...