(1)

امام هادى عليه السلام کا  ایک  بہترین  معجزہ

ابراهيم بن بلطون اپنے  والد  سے  نقل  کرتے ہو ئے کہتا  ہے:

میں  متوکل  کے  دربانوں  میں  سے  ایک  دربان  تھا۔ایک  دن  سے  خزر  کی  طرف  سے  پچاس  غلام  بطور  تحفہ  بھیجے  گئے   ،اس  نے  مجھے  حکم  دیا  کہ  انہیں  تحویل  میں  لے  لو  اور  ان  سے  اچھا  سلوک  کرو۔

اس  واقعہ  کو  ایک  سال  گزر  گیا،ایک  دن  میں  متوکل  کے  دربار  میں  تھا  کہ  اچانک ‏امام هادى عليه السلام تشریف  لائے ، جب  آنحجرت  اپنی  جگہ  پر  بیٹھ  گئے تو  متوکلنے  مجھے    حکم  دیا  کہ  ان  غلاموں  کالایا  جائے ۔

میں  نے  اس  کے  حکم  کی  تعمیل  کی،جب  وہ  داخل  ہو ئے  اور  ان  کی  نظر  امام ‏هادى عليه السلام کے  نورانی  چہرے  پر  پڑی  تو  سب  سجدے  میں  گر  گئے۔

جب  متوکل  نے  یہ  ماجرا  دیکھا  تو  خود  پر  قابو  نہ  رکھ  سکا  اور  (غصہ  میں)اٹھ  کر  آہستہ  آہستہ  چلتے  ہو ئے   پردے  کے  پیچھے  چھپ  گیا  اس  کے ‏امام هادى عليه السلام وہاں  سے  اٹھے  اور  باہر  چلے  گئے .

جب  متوکل  متوجہ  ہوا  کہ امام عليه السلام وہان  سے  تشریف  لے  جا  چکے  ہیں  تو  وہ  پردے  کے  پیچھے  سے  آیا  اور  آ  کر  کہنے  لگا:اے  بلطون  !تجھ  پر  افسوس  ہو!غلاموں  نے  یہ  کیا  حرکت  کی  ہے؟

میں  نے  کہا:خدا  کی  قسم!مجھے  نہیں  معلوم۔

اس  نے  کہا:ان  سے  پوچھو

میں  نے  غلاموں  سے  پوچھا: تم  لوگوں  نے  یہ  کیا  کام  انجام  دیا  ہے؟

انہوں  نے  کہا:جو  آقا  یہاں  تشریف  فرما  تھےوہ  ہر  سال  دس  دن  ہمارے  پاس  تشریف  لاتے ،ہمارے  ساتھ  رہتے  اور  ہمیں  دین  کی  تعلیم  دیتے ،وہ  مسلمانوں  کے  پیغمبر  کے  جانشین  ہیں۔

جب  متوکل  اس  واقعہ  سے  آگاہ  ہوا  تو  اس  نے  حکم  دیا  کہ  ان  تمام  غلاموں  کو  قتل  کر  دیا  جائے ۔

میں  نے  بھی  اس  کے  حکم  کی  اطاعت  کی  اور  ان  سب  کو  قتل  کر  دیا۔!!

شام  کے  وقت  میں امام هادى عليه السلام کی  خدمت  میں  شرفیاب  ہوا،میںنے  دیکھا  کہ  آپ  کا  خادم  دروازے  کے  کنارے  کھڑا  مجھے  دیکھ  رہا  ہے،جب  اس  نے  مجھے  پہچان  لیا  تو  کہاياندر  چلے  جاؤ۔

میں  اندر  چلا  گیا،میں نے  دیکھا  کہ امام هادى عليه السلام بیٹھے  ہو ئےہیں  اور  میری  طرف  دیکھ  کر  فرمایا :

اے بلطون! تم  نے  ان  غلاموں  کے  ساتھ  کیا  کیا؟

میں  نے  عرض  کیا: اے فرزند رسول خدا! خدا  کی  قسم!ان  سب  کو  قتل  کر  دیا  گیا  ہے.

آنحضرت  نے  فرمای:ان  سب  کو  قتل  کر  دیا  گیا  ہے؟

میں  نے  عرض  کیا: جی  ہاں!خدا  کی  قسم!

آنحضرت نے  فرمایا: أتحبّ أن تراهم؟ کیا  تم  انہیں  دیکھنا  پسند  کرو  گے؟

میں  نے  عرض  کیا:جی ہاں، اے فرزند رسول خدا!

امام هادى عليه السلام نے  اپنے  ہاتھ  سے  اشارہ  کیا  کہ  پردے  کے  پیچھے  جاؤ!

میں  پردے  کے  پیچھے  گیا  ،اچانک  میں  نے  دیکھا  کہ  وہ  غلام  بیٹھے  ہیں  اور  ان  کے  سامنے  پھل  رکھے  ہو ئے  ہیں  جنہیں  وہ  کھانے  میں  مصروف  ہیں.(1)

 

---

1) الثاقب في المناقب : 529 ح 1 .

 

 منبع: فضائل اهل بیت علیهم السلام کے  بحر  بیکراں  سے  ایک  ناچیز  قطرہ:جلد دوم صفحه 725