(۲)

حجر الأسود

تاريخ «اخبار الدول» قرمانى میں ذکر ہوا ہے کہ جب قرامطہ نے شنبر بن حسن قرمطی کے توسط سے حجر الأسود کو چار دن کم بائیس سال کے بعد ان کے پاس مکہ معظمہ کی طرف واپس بھیجا تو ایک قرامطی نے علماء میں سے ایک عالم سے کہا کہ مجھے تم مسلمانوں کی کم عقلی پر حیرت ہے ؛ تم لوگ کس طرح اس بات کی تصدیق کرو گے کہ یہ وہی پتھر ہے کہ جو ہم لے کر گئے تھے اور اس کے علاوہ کوئی دوسرا پتھر نہیں ہے ۔

   اس عالم نے کہا : حجر الأسود کی ایک علامت ہے اور وہ یہ ہے کہ وہ پانی میں ڈوبتا نہیں ہے بلکہ لکڑی کی طرح پانی پر تیرتا ہے ۔ اور جب انہوں نے تجربہ کیا تو بالکل ویسے ہی ہوا جیسے اس عالم نے کہا تھا ۔ (169)

169) گلزار اكبرى: 529 ۔

 

منبع : غیر مطبوع ذاتی نوشتہ جات : ص 126