(1)
امام عصر ارواحنا فداه کی ولادت با سعادت
جناب حكيمه خاتون عليها السلام کی روایت کی رو سے(۱)
کتاب"فضائل اهل بیت علیهم السلام کے دریا سے ایک قطرہ (ترجمه كتاب شريف القطرة)" میں امام عصر ارواحنا فداه کی ولادت کی کیفیت کے بارے میں لکھتے ہیں:
طبرى رحمه الله كتاب «دلائل الإمامه» میں حكيمه خاتون دختر حضرت امام جواد عليه السلام سے نقل کرتے ہیں کہ آپ کہتی ہیں:
امام عسكرى عليه السلام نے ایک دن مجھ سے فرمایا:
پھوپھی ان میں چاہتا ہوں کہ آ رات آپ ہمارے ساتھ افطار کریں کیونکہ آج رات ایک اہم واقعہ رونما ہو گا۔(1)
میں نے عرض کیا:وہ کون سا امر ہے؟
فرمایا:
إنّ القائم من آل محمّد يولد في هذه الليلة.
بیشک آج رات قائم آل محمد علیہم السلام دنیا میں آئیں گے۔
میں نے عرض کیا:وہ کس سے متولد ہوں گے اور ان کی والدہ کون ہوں گی؟
فرمایا: نرجس.
حكيمه خاتون کہتی ہیں: میں حضرت کے گھر میں داخل ہوئی،جس سے سب سے پہلے میری ملاقات ہوئی وہ جناب نرجس خاتون تھیں۔
انہوں نے مجھ سے کہا:پھوپھی ان میں آپ پر قربان جاؤں!آپ کا کیا حال ہے؟
میں نے کہا:بلکہ میں آپ پر قربان جاوں !اے زمانے کی ورتوں کی سردار!جب میں نے اپنے جوتے اتارے تو جناب نرجس خاتوں آئیں تا کہ میرے پاؤں پر پانی ڈالیں۔میں نے قسم دی کہ ایسا نہ کریں۔
میں نے سے کہا:خدا نے آپ کو ایک بچہ طا کیا ہے جو آج رات دنیا میں تشریف لا رہاہے۔
یہ بات سن کر ایک عزت و وقار اور ہیبت کے لباس نےنرجس کو چھپا لیا اور میں نے ان میں حمل کے کوئی آثار نہ دیکھے۔
نرجس خاتون نے سوال کیا:کس وقت وہ بچہ دنیا میں آئے گا؟
میں کوئی خاص وقت بیان نہیں کرنا چاہتی تھی کیونکہ ہو سکتا ہے کہ وہ غلط ہو۔لہذا میں نے ان سے کہا کہ امام حسن عسکری علیہ السلام نے فرمایا ہے کہ صبح کی سفیدی کے وقت۔
جب میں نے افطار کر لیا اور نماز سے فارغ ہو گئی تو نرجس میرے ساتھ سو گئیں۔اور جب میں نماز شب کے لئے اٹھی تو نرجس بھی بیدار ہو گئیں۔میں نماز پڑھنے کے بد صبح کے انتظار میں بیٹھ گئی۔نرجس خاتون آرام کرنے لگیں۔
ب میں نے خیال کیا کہ صبح قریب ہے تو میں طلوع فکر کی جستو میں باہر گءی اور میں نے آسمان کی طرف دیکھا۔میں نے ستاروں کی طرف دیکھا کہ وہ چھپ گئے ہیں اور صبح کی سفیدی بہت نزدیک ہے۔پھر میں واپس اندر چلی گئی اور گویا شیطان نے مجھ میں وسوسہ پیدا کر دیا ۔
حضرت امام حسن عسکری علیہ السلام نے ساتھ والے کمرے سے مجھے آواز دی اور فرمایا:پھوپھی جان!اتنی جلدی نہ کرو۔
پس گویا وہ امر انام پا گیا ہے۔آپ نے سجدہ کیا اور آپ کی دعا کو میں نے سنا،دعا میں کچھ کہہ رہے تھے لیکن میں سمجھ نہ سکی اور نہ ہی جان سکی کہ کیا ہے؟اس وقت میں نے اپنے اندر مضبوطی اور سکون محسوس کیا اور زیادہ وقت نہیں گذرا تھا کہ میں نے احسا س کیا کہ نرجس نے اپنے آپ کو حرکت دی ہے ۔
میں نے ان سے کہا:مت ڈرو!خدا تمہارا محافظ ہے۔
نرجس خاتون میرے سینے پر آگئیں اور بچہ مجھے دے دیا اور خود سجدے میں گر گئیں۔
میں نے بچے کو دیکھا کہ جو سجدہ کی حالت میں زمین پر پڑا ہے اور سجدہ میں توحید، نبوت اور امامت کا قرار کیا اور فرمایا:
لا إله إلاّ اللَّه، محمّد رسول اللَّه ، وعليّ حجّة اللَّه .
خدا ے علاوہ کوئی معبود نہیں ہے اور محمّد صلى الله عليه وآله وسلم رسول ہیں اور على عليه السلام حجّت خدا ہیں .
اس کے بعد اس بچہ نے اپنے والد بزرگوار تک تمام اماموں کے نام لئے ،امام حسن عسکری علیہ السلام نے مجھے آواز دی اور فرمایا:پھوپھی جان !میرا بیٹا میرے پاس لاو۔
میں نے چاہا کہ اسے نہلاؤں اور اسے پاکیزہ کرو ۔لیکن جب میں نے دیکھا تو انہیں کسی طرح کی اصلاح اور پاک کرنے کی رورت نہیں تھی بلکہ وہ تو مکمل طور پر صاف اور پاکیزہ تھے۔
میں بچے کو امام علیہ السلام کے پاس لے گئی۔امام نے اپنے نور چشم کو گود میں لیا ،چہرے اور پاؤں کو چوما اور اپنی زبان بچہ کے منہ میں اس طرح رکھ دی کہ جس طرح مرغی اپنے بچے کو اپنی چونچ کی نوک سے غذا کا دانہ دیتی ہے۔اسی طرح آپ نے خدا کے اسرار اور معارف اسے چوسائے اور پھر اسے فرمایا:
اے میرے بیٹے پڑھو !
اس نومولود نے اپنے لبوں کو کھولا اور «بسم اللَّه الرحمن الرحيم» سے قرآن پڑھنے کا آغاز کیا۔
پھر امام علیہ السلام نے کچھ ایسی کنیزوں کو بلایا کہ جن کے متعلق آپ جانتے تھے کہ وہ اس راز کو مخفی رکھیں گی اور اس خبر کو فاش نہیں کریں گی۔بچہ انہیں دکھایا اور ان سے فرمایا:
اس بچہ پر سلام کرو ،بوسہ دو اور کہو!تجھے خدا کے سپرد کیا اور پھر واپس چلی جاؤ ۔
اس کے بد آپ نے فرمایا:نرجس کو بلاؤ کہ میرے پاس آئے.
میں نے انہیں اآواز دی اور کہا کہ امام عليه السلام آپ کو بلا رہے ہیں تا کہ نچے کو دیکھ لیں اور اس سے الوداع کریں۔
میں اس اہم امر اور واقعہ کو دیکھنے کے بعد اور رات گذارنے کے بعد گھر واپس چلی گئی ۔
اگلے دن جب میں امام علیہ السلام کی خدمت میں حاضر ہوئی تو بچے کو آپ کے پاس نہ پایا،میں نے آپ کو بچے کی ولادت کی مبارک باد دی اور آپ سے بچے کے متلق دریافت کیا:
آپ نے فرمایا:
يا عمّة؛ هو في ودايع اللَّه إلى أن يأذن اللَّه في خروجه.
اے پھوپھی جان!وہ خدا کی امان اور اس کی حفاظت میں ہے یہاں تک کہ خدا اسے خروج کی اجازت دے.(2)
طبرى رحمه الله اسی کتاب میں اس روایت کی طرح ایک دوسری روایت بھی نقل کی ہے کہ جس میں تھوڑا سا اضافہ ہے جسے ہم یہاں نقل کرتے ہیں:
فوضعت صبيّاً كأنّه فلقة قمر ، على ذراعه الأيمن مكتوب : «جاءَ الحَقُّ وَزَهَقَ الباطِلُ إنَّ الباطِلَ كانَ زَهُوقاً»(3).
نرجس عليها سے ایسا بچہ دنیا میں آیا گویا وہ چاند کا ٹکڑا ہو،اور اس کت دائیں بازو پر لکھا ہوا تھا (حق آگیا اور باطل نابود ہو گیا بیشک باطل ختم ہونے والا ہے) .
امام عليه السلام کے کافی دیر تک بچے سے پیار اور گفتگو کی پھر بچے نے اپنے لب مبارک کھولے اور گفتگو شروع کی۔اس کے بعد انے نام کے ساتھ سب اماموں کے نام شمار کئے اور اپنے دوستوں کے لئے دعا کی کہ خدایا اس کے ہاتھ پر فرج اور کشادگی عطا فرمائے۔
پھر میرے اور امام کے درمیان تاریکی نے فاصلہ پیدا کر دیا۔اس کے بعد میں نے بچے کو نہ دیکھا ۔
میں نے عرض کیا:اے میرے آقا!وہ بچہ کہاں ہے کہ جو خدا کے نزدیک سب سے زیادہ صاحب عزت ہے؟
آپ نے فرمایا:وہ جو اس بچے کے ساتھ تجھ سے زیادہ لائق ،اس نے لے لیا ہے میں اپنی جگہ سے اٹھی اور گھر واپس چلی گئی۔ چالیس دن کے بعد دوبارہ امام علیہ السلام کے دولت کدہ پر مشرف پوئی۔میں نے ایک چھوٹے بچے کو دیکھا کہ جو گھر میں چل رہا تھا،میں نے اس بچے کے چہرے سے زیادہ کوئی خوبصورت چہرہ نہیں دیکھا تھا اور نہ ہی اس کی زبان سے ززیادہ کوئی فصیح زبان اور نہ ہی اس کے کلام سے زیادہ دلنشین کوئی کلام سنا تھا۔میں نے امام علیہ السلام سے عر ض کیا:یہ کون ہے جو ان اوصاف کا مالک ہے؟
آپ نے فرمایا:
هذا المولود الكريم على اللَّه؟
یہ وہی بچہ ہے کہ جو خدا کے نزدیک صاحب عزت و شرف ہے.
میں نے عرض کیا: اس بچے کو تو دنیا میں آئے چالیس دن سے زیادہ نہیں ہوئے لیکن وہ چالیس دن کا نہیں لگتا۔
امام علیہ السلام مسکرائے اور فرمایا:
أما علمتِ أنّا معاشر الأوصياء ننشأفي اليوم كما ينشأ غيرنا في الجمعة، وننشأ في الجمعة كما ينشأ غيرنا في الشهر، وننشأ في الشهر كما ينشأ غيرنا في السنة.
پھوپھی جان!کیا آپ نہیں جانتی کہ ہم اماموں میں ہر کوئی ایک دن میں اتنا بڑا ہوتا کہ دوسرے لوگ ایک ہفتہ میں اتنے بڑھتے ہوتے ہیں۔اور ایک ہفتے میں ہم اتنا بڑھتے ہیں جتنا دوسرے لوگ ایک مہینے میں اور ایک مہینے میں ہم اتنا بڑتے ہیں تانا دوسرے لوگ ایک سال میں بڑھتے ہیں .(4)
1) امام عسكرى عليه السلام نے اس باعظمت خاتون (جو امام جواد عليه السلام کی بیٹی، امام هادى عليه السلام کی بہن اور امام حسن عسکری علیہ السلام کی پھوپھی تھیں اور شیعوں کے لئےاس زمانے کی باعظمت خاتون تھیں)کو دعوت دی تا کہ وہ وہاں ہی رہیں اور وہ آخری ذخيره الهى کی ولادت کے عینی شاہد ہوں۔اور جب وہ کچھ دنوں کے بعد امام علیہ السلام کی خدمت میں شرفیاب ہوئیں تو امام علیہ السلام نے ان سے فرمایا:ب میں دنیا سے چلا جاؤں اور میرے شیعہ اختلاف کا شکار ہو جائیں تو با اعتماد لوگوں سے ولادت کا قصہ بیان کرنا لیکن یہ داستان آپ کے اور ان کے درمیان مخفی رہے۔
2) دلائل الإمامة: 497 ح 93، تبصرة الولى: 15 ح3.
3) سوره إسراء ، آيه 81 .
4) دلائل الإمامة: 500 ضمن ح 94، تبصرة الولى: 19 ضمن ح 4.
منبع : فضائل اهل بیت علیهم السلام کے دریا سے ایک قطرہ: 1/ 721 حديث 514
آج کے وزٹر : 170377
کل کے وزٹر : 237545
تمام وزٹر کی تعداد : 125346765
|