اس  عبارت«والسر  المستودع  فیھا» سے  کیا  مراد  ہے؟

حضرت  فاطمہ  زہرا  علیہا  السلام  کی  صلوات  میں  یہ  جملہ  وارد  ہوا  ہے  اور  ہم  نے  یہ  صلوات  صحیفہ  مہدیہ  کے  صفحہ  ۳۵۴  پر  ذکر  کی  ہے  اور  وہاں  ہم  نے  یہ بیان  کیا  ہے  کہ  بعض  بزرگ  حضرات  کے  مطابق  (سر  المستودع)  سے  حضرت  امام  زمانہ  عجل  اللہ  فرجہ  الشریف  مراد  ہیں  اس  بنا  پر  ایسے  معنی  کا  بھی  امکان  ہے۔

قابل  توجہ  یہ  ہے  کہ  ایسی  ہی  ایک  تعبیر  حضرت  نرجس  خاتوں  علیہا  السلام  کی  زیارت  میں  بھی  نقل  ہوئی ہے  جسے  ہم  نے  صحیفہ  مہدیہ  کے  صفحہ ۵۲۵  پر  ذکرکیاہےاور  جس  سے  مذکورہ  احتمال  کو  مزید  تقویت  ملتی  ہے  ۔

حضرت  فاطمہ  زہراء  علیہا  السلام  اور  حضرت  نرجس  خاتون  علیہا  السلام  میں  نقطہ  اشتراک  حضرت  امام  زمانہ  عجل  اللہ  فرجہ  الشریف  ہیں  اور  یہ  عبارات  ان  دونوں  بزرگ  ہستیوں  کے  بارے  میں  وارد  ہوئی   ہیں  اور  امام  عصر  عجل  اللہ  فرجہ  الشریف  ان  دونوں  مقدس  ہستیوں  کی  نسل  سے  ہیں۔

مزید  وضاحت:حضرت  فاطمہ  زہرا  سلام  اللہ  علیہا  اس  حدیث(ولولا  فاطمہ  لما  خلقتکما)کی  رو  سے  (سر  مستودع)  یعنی  امام  زمانہ  عجل  اللہ  فرجہ  الشریف  کی  خلقت  کا  اصلی  سبب   و  منشاء  ہیں  اور  حضرت  نرجس  خاتوں  سلام  اللہ  علیہا  (سر  مستودع)  کی  ولادت  کا  سبب  ہیں۔

اس  بنا  پر  جس  طرح  حدیث  کساء  میں  حضرت  فاطمہ  زہرا  سلام  اللہ  علیہا  پنجتن  میں  اصلی  محور  ہیں  اسی  طرح  اس  صلوات  میں  بھی  آنحضرت  کے  لئے  اصلی  محور  ہیں  اور  حضرت  امام  زمانہ  عجل  اللہ  فرجہ  الشریف  پنجتن  آل  عبا  کے  بعد  بعض  روایات  (  وتاسعھم  قائمھم  وھوافضلھم) کی  رو  سے  تمام  آئمہ  اطہار  علیہم  السلام  سے  افضل  ہیں  ۔

کیونکہ  آنحضرت  (الدولة الفاطمیة) یعنی  فاطمی  حکومت  کے   مالک  ہیں  کہ  جس  میں  وہ  تمام  اسرار  و  رموذ  کو  آشکار  کریں  گے  اور  ان  اسرار  سے  پردہ  اٹھائیں  گے  جیسا  کہ  امیر  المومنین  علی  علیہ  السلام  فرماتے  ہیں:

ما  من  علم  الا  و  انا  افتحہ  و  ما  من  سر  الا  و  القائم  یختمہ

کوئی    ایسا  علم  نہیں  ہے  جس  کا  میں  نے  آغاز  نہ  کیا  ہو  اور  کوئی    ایسا  سر  نہیں  ہے  کہ  قائم  جس  کا  خاتمہ  نہ  کریں۔

انشاء  اللہ  حکومت  فاطمی  کے  آنے  سے  حضرت  امام  زمانہ  عجل  اللہ  فرجہ  الشریف  وہی  (سر  مستودع)  ہوں  گے  جو  خلقت  کے  تمام  اسرار  کو   ظاہر  و  آشکار  کریں  گے۔