منقبت در شان حضرت امام مهدي (ارواحنا فداه)

السلام اي حجت رب الانام                    السلام اي دين دنيا جا نظام

السلام اي قائم اولا قيام                      السلام اي مقتدائي خاص وعام

السلام اي حضرت مهدي امام(عج)          السلام اي صاحب العصر السلام

السلام اي وارث آدم صفي                   السلام اي نائب نوح نجي

اي خليل حق تون موسى جو وصي           تون مسيح دين بعلم عيسوي

السلام اي حضرت مهدي امام(عج)         السلام اي صاحب العصر السلام

السلام اي امر حق سر نهان                  السلام اي حجت الله بيگمان

السلام اي تنهنجي حق نصِ عيان           السلام اي يملاءِ الرجعت بيان

السلام اي حضرت مهدي امام(عج)        السلام اي صاحب العصر السلام

السلام اي تون محمد جو مثال             السلام اي مرتصى جيئن خوش خصال

اي حسن جي باغ جا نوري نهال             اي شهيد ڪربلاجا دُر لعل

السلام اي حضرت مهدي امام(عج)         السلام اي صاحب العصر السلام

السلام اي قرة العيني رسول                السلام اي شان تو حيدر حصول

آخري خلفائي اولاد بتول                     وقت رجعي تنهنجي اي عترت رسول

السلام اي حضرت مهدي امام(عج)        السلام اي صاحب العصر السلام

اي حسن سيرت حسيني پاڪ ذات          مهدي هادي شه عالي صفات

آهي تنهنجي عمر عالم جي نجات          ڪج سندم واهر شها بعد از وفات

 السلام اي حضرت مهدي امام(عج)       السلام اي صاحب العصر السلام

اي تون زين العابدينؑ جو زيب زين         تون شه باقرؑ جو بر حق نور عين

تنهنجي دعوت دين جعفرؑ فرض عين        تنهنجو ڪاظمؑ منتظر در ڪاظمين

السلام اي حضرت مهدي امام(عج)         السلام اي صاحب العصر السلام

تنهنجي رجعت لئه رضاؑ کي نت رضا        ۽ تقيؑ پڻ تنهنجو مشتاق لقا

ٿو نقيؑ توڏي نهاري دائما                     عسڪريؑ چئي آو اي صاحب لوا

السلام اي حضرت مهدي امام(عج)        السلام اي صاحب العصر السلام

يا امام العصر تا ڪئي انتظار               وقت آھ وقت سرور ٿي سوار

آءُ سيرت لافتى ڪر آشڪار                 هٿ ڪري لاسيف الا ذولفقار

السلام اي حضرت مهدي امام(عج)        السلام اي صاحب العصر السلام

يا امام المنتظر تون حق جو نور           اي خدا جا نور ٿيو وقت ظهور

منتظر تنهنجا به شه حضرت حضور          تا نه ڪو نصرا من الله ۾ قصور

السلام اي حضرت مهدي امام(عج)        السلام اي صاحب العصر السلام

اي شه عادل مدد امداد ڪر                  اي سندم عالم اجھا ڪو داد ڪر

قتل ڪر دجال ملڪ آباد ڪر               دين دين حق جو تون ارشاد ڪر

السلام اي حضرت مهدي امام(عج)      السلام اي صاحب العصر السلام

دين داور دين حق کي ڏي رواج          حق ڌڻي آو تنهنجو حق هي تخت تاج

نه آهي عالم کي بنا تو ٻيو علاج         تنهنجي مرضي جي موافق جڳ مزاج

السلام اي حضرت مهدي امام(عج)         السلام اي صاحب العصر السلام

سامره سرادب سائين آو شتاب              مون عريضه جو جواب باصواب

ٿي سوار اي سيد عاليجناب                امر ٿئي هي عبد هوئي حاضر رڪاب

السلام اي حضرت مهدي امام(عج)      السلام اي صاحب العصر السلام

يا امام المنتظر بهر خدا                    مونکي تنهنجو انتظار آهي سدا

آءٌ سندءِ ثابت علي مسڪين گدا           شاھ هن پنهنجي گدا کي ڏي لقا

  السلام اي حضرت مهدي امام(عج)   السلام اي صاحب العصر السلام

 

هديو: رياض حسين چانڊيو ڪربلائي (جھانگارا)

 

 

گذارش

پڙهندڙ محترمن کان گذارش آهي .ته ترجمي کي مفيد ۽بهتر بڻائڻ لاءِ هن ائڊريس تي رابطو ڪندا

 

 Email<sindh_mari@yahoo.com>