امام زمانہ عجل الله تعالی فرجه کے لئے دعا کرنے
کے سلسلہ میں ہماری کیا ذمہ داری ہے؟
جواب:
جیسا کہ ہم نے دوسرے موارد میں بھی ذکر کیا ہے کہ انسان کی تقدیر کو بدلنے کے لئے دعا بہت موٴثر ثابت ہوتی ہے اور یہ مشیّت و رضائیت پروردگار میں بھی اثر رکھتی ہے اگرچہ و قطعی و حتمی ہی کیوں نہ ہو۔
اسی لئے اهل بیت علیهم السلام نے اپنے تمام محبین اور پیروکاروں کو امام زمانہ عجل الله تعالی فرجه الشریف کے ظہور میں تعجیل کے لئے دعا کرنے کی ترغیب دی ہے۔چونکہ امام زمانہ عجل اللہ فرجہ الشریف کے ظہور کا مسئلہ ایک عام مسئلہ ہے،اور اگر اهل بیت علیهم السلام کے سب محبین ظہور امام زمانہ عجل اللہ فرجہ الشریف کے لئے دعا کریں تو دعا مؤثّر ہو گی۔جیسا که امام صادق علیه السلام نے فرمایا :
«وهکذا انتم لو دعوتم لفرّج الله عنّا»؛
«تم سب اس طرح ہو کہ اگر تم سب ظہور کے لئےدعا کرو تو خداوند زمانہٴ ظہور میں تعجیل فرمائے گا».
اس جانب بھی توجہ کرنی چاہئے کہ ہمیں امام زمانہ عجل اللہ فرجہ الشریف کے ظہور میں تعجیل کے لئے دعا کرنے کا حکم دیا گیا ہے کیونکہ ظہور امام زمانہ عجل اللہ فرجہ الشریف کے لئے دعا کرنا ظہور کے انتظار کا لازمہ ہے۔امام جواد علیہ السلام اس بارے میں فرماتے ہیں:
إنّ القائم منّا هو المهديّ الّذي يجب أن ينتظر في غيبته ويطاع في ظهوره. (بحار الأنوار : 156/51 )
ہم آل محمد کا قائم وہی مہدى ہے کہ زمانہٴ غیبت میں جن کا انتظار کرنا اور زمانہٴ ظہور میں جن کی اطاعت کرنا واجب ہے .
جو لوگ یہ جانتے ہیں امام زمانہ عجل اللہ فرجہ الشریف کا انتظار کرنا واجب ہے ،وہ لوگ کبھی بھی امام زمانہ عجل اللہ فرجہ الشریف کے ظہور کے لئے دعا کرنے میں کوتاہی و غفلت نہیں کر سکتے۔
پس جب تک غیبت کا سلسلہ جاری ہے تب تک انتظار بھی جاری ہے اور مشیت الٰہی کو تسلیم کرتے ہوئے امام زمانہ عجل اللہ فرجہ الشریف کے لئے دعا کرنا بھی ضروری ہے۔
مذکورہ بیان کی رو سے ہمیں خدا سے یہ دعا کرنی چاہئے کہ امام زمانہ عجل اللہ فرجہ الشریف کے ظہور میں تعجیل فرمائے اور جلد از جلد غیبت کے تاریک زمانے کا خاتمہ فرمائے لیکن ہمیں ہر قسم کی عجلت اور جلد بازی سے گریز کرنا چاہئے تا ہم «وهلک المستعجلون» کے زمرے میں نہ آئیں.
بازديد امروز : 26326
بازديد ديروز : 250790
بازديد کل : 127192176
|