امام حسین علیہ السلام کا اپنے زائر کی وفات کے بعد اس کی زیارت کے لئے جانا
حضرت امام جعفر بن محمد علیہما السلام فرماتے ہیں کہ امام حسین بن علی علیہما السلام نے فرمایا:
’’من زارني بعد موتي زُرته يوم القيامة، ولو لم يكن إلاّ في النّار لأخرجته‘‘. [1]
جو شخص میری موت کے بعد میری زیارت کرے تو میں قیامت کے دن اس کی زیارت کروں گا اور اگر وہ آتش جہنم میں ہوا تو میں اسے (وہاں سے ) خارج کروں گا ۔
کچھ اساتید سے نقل ہوا ہے کہ امام حسین علیہ السلام کے زائر کے جہنم میں جانے کو لفظ ’’لو ‘‘ کے ذریعے مشروط کیا گیا ہے اور اس بات کی طرف اشارہ ہے کہ امام حسین علیہ السلام کے زائر کا آتش جہنم میں جانا محال ہے ۔ اور چونکہ محال امر کو فرض کرنا محال نہیں ہے ، اس بناء پر اگر کوئی زائر آتش جہنم میں چلا جائے تو امام حسین علیہ السلام اپنے زائر کو خود آتش جہنم سے نکالیں گے ۔ اے ابا عبد اللہ الحسین !آپ پر خدا کا درود و سلام ہو ، میری روح اور عالمین کی ارواح آپ پر قربان ہو جائے ۔ آپ کی اپنے شیعوں اور اپنی قبر کے زائرین کے لئے شفقت و رحمت کس قدر عظیم اور شدید ہے۔[2]
آج کے وزٹر : 3813
کل کے وزٹر : 233230
تمام وزٹر کی تعداد : 125653069
|