فضیلت امام عليه السلام
امام صادق عليه السلام سے «البصائر» کی روایت
عبداللَّه بن بكر(36) ارجانى - ایک مفصّل حدیث میں امام صادق عليه السلام سے نقل کرتے ہیں کہ آنحضرت نے فرمایا:
يابن بكر! إنّ قلوبنا غير قلوب الناس، إنّا مصفّون مصطفون، نرى مالايرى الناس، ونسمع ما لايسمعون، وإنّ الملائكة تنزل علينا في رحالنا وتقلّب على فرشنا وتشهد [طعامنا] وتحضر موتانا
اے ابن بكر! ہمارے قلوب لوگوں کے دلوں کی طرح نہیں ہیں، ہم پاک و برگزيده ہیں، ہم وہ چیزیں بھی دیکھتے ہیں کہ جنہیں لوگ نہیں دیکھ سکتے اور وہ چیزیں سنتے ہیں کہ جنہیں لوگ نہیں سن سکتے۔بیشک ہمارے گھروں پر فرشتوں کا نزول ہوتا ہے اور وہ ہمارے فرش پر قدم رکھتے ہیں، ہمارے دسترخوان کے شاہد ہیں اور ہمارے مردوں(کے تشییع جنازہ) میں شریک ہوتے ہیں۔
وہ ہمیں ابھی تک رونما نہ ہونے والے واقعات سے آگاہ کرتے ہیں ،ہمارے ساتھ نماز پڑھتے ہیں ،ہمارے لئے دعا کرتے ہیں اور (تبرک کی غرض سے) اپنے پر ہم سے مس کرتے ہیں،ہمارے بچوں کو اپنے پروں پر جھولا جھولاتے ہیں،اور ہم تک حشرات کے آزار کونہیں پہنچنے دیتے۔
ہر موسم میں زمین پر اگنے والی فصلیں ہم تک پہناتے ہیں اور ہمارے لئے ہر زمین کا پانی لے کر آتے ہیں کہ جو ہمارے برتنوں میں موجود ہے۔
هر دن کسی بھی لمحہ اور کسی بھی نماز کا کوئی ایسا وقت نہیں ہے مگر یہ کہ وہ ہمیں مطّلع کریں،ہم پر گذرنے والی کوئی ایسی رات نہیں ہے مگر یہ کہ جب وہ ہر سرزمین کی خبریں ان کے اتفاقات کے ساتھ ہمارے لئے لے کر آتے ہیں،جنّات کی خبریں ،فرشتوں میں سے اہل ہوا کی خبریں۔اگر دنیا میں کوئی بادشاہ مر جائے اور اس کا کوئی جانشین بنے تو وہ اس کے بارے میں اور اس کے سابقین سے سلوک کے بارے میں تمام خبریں لاتے ہیں ۔وہ ہم تک چھٹی زمین سے ساتویں زمین تک کی خبریں بھی پہنچاتے ہیں۔
میں نےعرض كیا:میں آپ پر قربان جاوٴں!اس پہاڑ کی حد و انتہا کہاں تک ہے؟
فرمایا: اس پہاڑ کی انتہا چھٹی زمین تک ہے اور اس کی وادیوں میں سے ایک میں جہنم واقع ہے ،اس وادی میں کچھ نگہبان ہیں کہ جن کی تعداد آسمان کے ستاروں، بارش کے قطروں اور جو کچھ بھی زمین اور آسمان میں ہے ،ان سب سے زیادہ ہے۔جس فرشتہ کو جو کام بھیسونپا گیا ہے وہ اس سے عدول نہیں کرتا۔
میں نےعرض كیا: کیا آپ سب کے پاس یہ تمام خبریں موجود ہیں؟
فرمایا: نہیں، یہ خبریں صاحب امر (يعنى امام زمانہ عليه السلام) تک پہنچیں گی۔ہمارا علم و قدرت اس قدر زیادہ ہے کہ لوگوں میں اسے برداشت کرنے کی طاقت نہیں ہے،لیکن ہم ان موارد میں حکم دیں گے اور جو ہمارے حکم کو نہیں مانے گا فرشتہ اسے ہمارے قول کو قبول کرنے پر مجبور کریں گے اور اسے حکم دیں گے کہ جو اس کا نگہبان ہو گا اور وہ اسے ہمارے قول کو قبول کرنے پر مجبور کرے گا اور اگر جنّات میں سے کوئی کافروں کے ساتھ ہو تو وہ اسے جکڑ لیں گے اور اسے اس قدر سزا و عذاب دیں گے کہ تا کہ وہ ہمارے حکم کو قبول کر لے۔
میں نے عرض کیا:میں آپ پر قربان جاوٴں!کیا امام مشرق و مغرب کے درمیان کو بھی دیکھتا ہے؟
فرمایا: اے ابن بکر! (اگر ایسا نہ ہو تو) پس وہ کس طرح مشرق و مغرب کے لئے حجت و امام ہو سکتا ہے ؟ اوریہ کیسے ہو سکتا ہے کہ وہ انہیں دیکھے بغیر ان پر حکومت و فرماروائی کرے؟
وہ کس طرح ان لوگوں پر حجت و امام ہو سکتا ہے کہ جو ان کی نظروں سے اوجھل ہو اور وہ ان پر کوئی قدرت نہ رکھتاہو؟وہ کس طرح لوگوں تک احکام الٰہی پہنچاتا ہے اور لوگوں پر گواہ ہے جب کہ وہ انہیں نہیں دیکھتا؟
وہ کس طرح ان پر حجت و امام ہے جب یہ ان کی نظروں سے پنہان ہیں ،اور امام اورلوگوں کے درمیان حائل و مانع ہے کہ جو خدا کی جانب سے ان کے حق میں فرائض انجام دے رہا ہے جب کہ خدا فرماتا ہے۔
وَما أَرْسَلْناكَ إِلّا كافَّةً لِلنَّاسِ(37)؛
ہم نے تمہیں نہیں بھیجا مگر سب لوگوں کے لئے۔
يعنى ہم نے تمہیں روئے زمین پر بسنے والے تمام لوگوں کے لئے بھیجا ہے۔
والحجّة من بعد النبيّ صلى الله عليه وآله وسلم يقوم مقامه، وهو الدليل على ما تشاجرت فيه الاُمّة، والآخذ بحقوق الناس، والقيام بأمراللَّه والمنصف لبعضهم من بعض
پيامبر صلى الله عليه وآله وسلم کے بعد حجت و امام اور اس کے جانشين و قائم مقام ہیں، اورلوگوں کے درمیان اختلافات کوحل کرنے کے لئے دلیل ہیں اور لوگوں کے حقوق کے ضامن ہیں،وہ خدا کے حکم سے قیام کرتے ہیں اور دوسروں سے بعض کا حق لے کر انہیں دیتے ہیں۔
پس اگر لوگوں کے درمیان کوئی نہ ہو کہ جس کا قول لوگوں پر اثر رکھتا ہو تا کہ وہ حکم پروردگار کو لاگو کرے کہ خدافرماتا ہے:
«سَنُريهِمْ آياتِنا فِي الْآفاقِ وَفِي أَنْفُسِهِمْ»(38)؛
جلد ہی ہم آفاق اور ان کے وجود پر اپنی نشانیاں ظاہر کریں گے۔
پس آفاق میں ہمارے سوا کون سی نشانی ہے کہ جو خدا نے اہل زمین کو دکھائی؟
دوسرے مقام پر فرمایا:
«ما نُريهِمْ مِنْ آيَةٍ إِلّا هِيَ أَكْبَرُ مِنْ اُخْتِها»(39)؛
ہم انہیں کوئی بھی ایسی آیت نہیں دیکھائیں گے مگر یہ کہ وہ دوسری سے بڑی ہو۔
پس کون سی آیت ہم سے بڑی ہے؟!
خدا کی قسم!بیشک خدا نے ہمیں جو عطا کیا،بنی ہاشم اور قریش اس سے آگاہ ہیں،لیکن ان کے حسد نے انہیں ہلاک کر دیا کہ جس طرح اس نے شیطان کو ہلاک کر دیا۔
جب وہ ناچار ہوتے ہیں اور انہیں اپنی جان کا خوف ہوتا ہے تو ہمارے پاس آتے ہیں اور ہم سے پوچھتے ہیں اور ہم ان کے لئے توضیح دیتے ہیں اور انہیں راہ حلّ دکھاتے ہیں،پھر وہ کہتے ہیں کہ:ہم یہ گواہی دیتے ہیں کہ تم اہل علم ہو ۔
لیکن جب وہ باہر جاتے ہیں اور دوسروں سے بیان کرتے ہیں کہ:ہم نے ان کی پیروی کرنے والوں اور ان کے بارے میں گفتگو کرنے والوں سے زیادہ گمراہ نہیں دیکھے ۔
میں نے عرض کیا:میں آپ پر قربان جاوٴں! مجھےامام حسين عليه السلام سے آگاه کریں،اگر نبش قبرکی جائے تو کیا قبر میں کچھ ملے گا؟
فرمایا:اے بکر کے بیٹے!تم نے کیسا بڑا سوال پوچھا ہے؟امام حسین علیہ السلام اپنے بابا،والدہ گرامی اور بھائی امام حسن علیہ السلام کے ساتھ رسول خدا صلی اللہ علیہ و آلہ وسلم کے ساتھ ہیں اور وہ ویسے ہی زندگی بسر کر رہے جیسے آنحضرت زندگی بسر کر رہے ہیں اور وہ وہی رزق و روزی کھاتے ہیں کہ جو آنحضرت روزی کھاتے ہیں اور اگر ان ایّام میں نبش قبر کی جاتی تو انہیں ویں پاتے لیکن آج وہ اپنے پروردگار کے پاس زندہ ہیں اور اپنے سپاہیوں کو دیکھتے ہیں اور وہ عرش الٰہی کی طرف دیکھتے ہیں کہ کب انہیں حمل کرنے کا حکم دیا جائے گا !اور عرش الٰہی کے دائیں طرف ہیں اور کہتے ہیں:اے پروردگار!تونے مجھ سے جو وعدہ کیا تھا اسے وفا کر۔
وہ اپنے زوّار کی طرف دیکھتے ہیں،اور وہ اس کے نام اور اس کےآباء و اجداد کے نام،خدا کے نزدیک ان کے مقامات و درجات سےان کے بیٹوں اور گھر والوں کی بنسبت زیادہ آگاہ ہے۔جو ان پر گریہ کرتے ہیں ،وہ انہیں دیکھتے ہیں اور محبت سے ان کے لئے مغفرت و بخشش کی دعا کرتے ہیں اور فرماتے ہیں۔
لو تعلم أيّها الباكي! مااُعدّ لك لفرحت أكثرممّا جزعت
اے گریہ کرنے والے!اگر تم یہ جان لو کہ خدا نے تمہارے لئے کیا چیز فراہم کی ہے تو تمہارے خوشی تمہارے گریہ سے زیادہ ہو جائے گی۔
آسمان کے فرشتوں میں سے جو بھی اس کے رونے کی آواز سننتا ہے اور جو امام حسین علیہ السلام کے حرم میں ہین اور ان پر گریہ کر تے ہیں تو وہ محبت سے ان کے لئے استغفار کی دعا کرتے ہیں اور وہ گناہ سے پاک ہو کر اس مقدس مقام سے واپس جاتے ہیں۔(۴۰)
36) «بكير» کے نسخہ میں وارد ہوا ہے
37) سوره سبأ، آيه 28.
38) سوره فصّلت، آيه 53.
39) سوره زخرف، آيه 48.
40) كامل الزيارات: 541 ضمن ح 2، الإختصاص: 340 (حديث کا کچھ حصہ)، بحار الأنوار: 374/25 ضمن ح 24.
یہ حديث تأويل الآيات: 884/2 ح 12، مدينة المعاجز: 142/6 ح 340، و تفسير برهان: 148/4 ح1 میں كامل الزيارات سے نقل ہوئی ہے اور پھر علّامه مجلسى رحمه الله نے اسے بحار الأنوار: 300/27 ح4 و 292/44 ح 35 میں نقل کیا ہے اور حدیث کا کچھ حصہ كامل الزيارات سے نقل کیا ہے۔.
المنجی ویب سائٹ سے ماٴخوذ
آج کے وزٹر : 18393
کل کے وزٹر : 250790
تمام وزٹر کی تعداد : 127112846
|