توسّل تقرب الٰہی کا ذریعہ

اہلبیت عصمت و طہارت علیھم السلام سے توسّل خدا کی بارگاہ میں انسان کی آبرو میں اضافہ کرتاہے اور یہ خدا کے نزدیک تقرب کا ذریعہ ہے۔اسی لئے ہم بعض دعاؤں اور مناجات میں خدا وند کریم سے درخواست کرتے ہیں کہ اہلبیت علیھم السلام کے توسّل کی وجہ سے ہمیں اپنی بارگاہ میں آبرومند قرار دے اور اپنا مقام قرب عطا فرما۔

حضرت امام زین العابدین علیہ السلام کی مناجات انجیلیہ میں آیا ہے:

''أَللّٰھُمَّ فَصَلِّ عَلٰی مُحَمَّدٍ وَ أَہْلِ بِیْتِہِ الطّٰاہِرِیْنَ وَ اجْعَلْنِْ بِحُبِّھِمْ یَوْمَ الْعَرْضِ عَلَیْکَ نَبِیْھاً وَ مِنَ الْاَنْجٰاسِ وَ الْاَرْجٰاسِ نَزِیْھاً وَ بِالتَّوَسُّلِ بِھِمْ اِلَیْکَ مُقَرَّباً وَجِیْھاً''([1])

خداوندا!اپنا درود اور رحمت محمدۖ اور ان کے پاک اہلبیت علیھم السلام پر نازل فرما اور مجھے ان سے محبت کی وجہ سے قیامت کے دن گرامی قرار دے اور نجاسات و پلیدیوں سے پاک رکھ اور ان سے توسّل کی وجہ سے اپنے نزدیک مقرّب اور آبرومند قرار دے۔