کیا  امام  زمانہ  عجل  اللہ  فرجہ  الشریف  کے  ۳۱۳  اصحاب  مقام  و  مرتبہ  ایک  جیسا  ہے؟

کیا  امام  زمانہ  عجل  اللہ  فرجہ  الشریف  کے  ۳۱۳  اصحاب  مقام  و  مرتبہ  کے  لحاظ  سے  برابر  ہیں؟کیا  مرتبہ  کے  لحاط  سے  سب  میں  ایک  جیسی  خصوصیات  و  شرائط  ہیں؟یا  معنوی  مقام  کے  لحاظ  سے  ان  میں  فرق  ہے  اور  ان  کے  درجات  بھی  مختلف  ہیں؟

 

جواب:

متعدد  روایات  میں  حضرت  امام  زمانہ  عجل  اللہ  فرجہ  الشریف  کے  اصحاب  کی  خصوصیات  کا  تذکرہ  ملتا  ہے  اور  ان  روایات  میں  ان  کے  درجات  اور  مراتب  میں  اختلاف  کی  بھی  وضاحت  ہوئی  ہے  مثال  کے  طور  پر  اس  روایت  سے  استدلال  کر  سکتے  ہیں  کہ  جس  میں  ظہور  کے  دن ۳۱۳ افراد  کے  مکہ  میں  جانے  کی  کیفیت  کو  بیان  کیا  گیا  ہے۔

اس  روایت  کی  بنا  پر    اس  سے  پہلے  کہ  آنحضرت  خانہ  کعبہ  کے  ساتھ  کھڑے  ہو  کر  دنیا  والوں  تک  اپنے  ظہور  کی  ندا  پہنچائیں  ۴۵  افراد  خود  کو  مکہ  پہنچائیں  گے  ان  میں  سے  کچھ  افراد  ظہور  سے  پہلے  والی  رات  میں  اپنے  گھر  اور  بستر  سے  اٹھ  کر  طی  الارض  کے  ذریعہ  خو د  کو  مکہ  پہچائیں  گے  اور  کچھ  افراد  ظہور  کے  دن  امام  زمانہ  عجل  اللہ  فرجہ  الشریف  کی  ندا  سے  پہلے   خود  کو  آنحضرت  کی  خدمت  میں  پہنچائیں  گے۔

روایات  میں  تصریح  ہوئی  ہے  کہ  جو  بادل؛وں  پر  سوار  ہو  کر  خود  کو  دنیا  کے  ‏مختلف  حصوں  سے  امام  زمانہ  عجل  اللہ  فرجہ  الشریف  کی  خدمت میں  پہنچائیں  گے  ،وہ  طی  الارض  کے  ذریعہ  خود  کو  مکہ  پہنچانے  والوں  سے  برتر  ہیں۔

 اس  بنا  پر  یہ  نہیں  کہا  جا  سکتا  کہ  ۳۱۳  افراد  کی  شان  و  مرتبہ  ایک  جیساہےاور  اس  بارے  میں  کچھ  دوسری  روایات  بھی  ہیں  جو  یہ  مطلب  مکمل  طور  پر  ثابت  کرتی  ہیں۔