از : م. ب بہ المنجی ویب سائٹ
السلام علیکم
آخر میری مشکلات کیوں حل نہیں ہوتیں؟
خدا پر اپنے مکمل اعتقاد اور حتی الامکان تمام دینی امور کو انجام دینے کے باوجود آخر یہ مشکلات کیوں ہیں؟
-----------------------------------------
جواب: وعلیکم السلام :
خدا پر ایمان اور مکتب اہلبیت علیہم السلام کی پیروی کرنا ہماری ذمہ داری ہے اور جب ہم حتی الامکان اپنی ذمہ داریوں کو انجام بھی دیتے ہوں اور برے کاموں سے اجتناب بھی کرتے ہوں تو ہر گز اس کا لازمہ یہ نہیں ہے کہ ہماری تمام مشکلات ختم ہو جائیں اور ہماری زندگی سے تمام مشکلات اور مصیبتیں ختم ہو جا ئیں۔
خاندان وحى عليهم السلام سے بڑھ کر کسی پر مشکلات و مصاءب کے پہاڑ نہیں ٹوٹے حالانکہ یہ خدا کی سب سے زیادہ محبوب ہستیاں ہیں،پیغمبروں کو بھی بہت سے مشکلات کا سامنا کرنا پڑا لیکن انہوں نے صبر سے ان تمام مشکلات کا سامنا کیا اور انہیں برداشت کیا .
خدا کے تمام اولیاء پر بھی مصیبتیں اور مشکلات وارد ہوئیں لیکن انہوں ثابت قدمی سے اور صبر و استقامت سے ان کا مقابلہ کرکے اپنے منوی و روحانی مقام میں مزید اضافہ کیا۔
ہمیں یہ جان لینا چاہئے کہ جب تک دنیا پر شیطان مسلط ہے تب تک ممکن ہے کہ ظاہری طور پر تو اس کے دوست آرام اور آسائش میں ہوں لیکن خدا ور اہلبیت کے دوست و محب امام زمانہ عجل اللہ فرجہ الشریف کی آفاقی و عادلانہ حکومت(جو دنیا سے ظلم و جور کا خاتمہ کر دے گی اور دنیا پر عدل و عدالت کی حکمرانہ ہو گی) سے پہلے تک یہ سختیاں اور مشکلات اپنی جگہ باقی رہیں گی اسی روز (روز ظہور) ہی دنیا میں معاشرہ کے تمام افراد کے لئے امن و امان، آسائش اور سکون مہیا ہو گا۔
آخر میں اگر آپ كتاب «کامیابی کے اسرار» سے «صبر و استقامت» کی بحث اور كتاب «امام مہدی کی آفاقی حکومت» کا مطالعہ کریں تو آپ کے افکار میں انشاء اللہ مثبت تبدیلی رونما ہو گی جس سے آپ کو مشکلات کا سامنا کرنے میں مدد ملے گی۔
آج کے وزٹر : 0
کل کے وزٹر : 220701
تمام وزٹر کی تعداد : 126105586
|