آیات مشکلہ کی توضیح کے بارے میں سوال کا جواب
از آقاي محمد ... :
السلام علیکم !اہم آپ کے اعمال کی قبولیت کے لئے دعا گو ہیں۔یہ ماہ قرآن ہے اور رسول گرامی صلوات الله علیه و آلہ کی معرفت کا مہینہ ہے لہذا میرے آپ سے کچھ سوالات ہیں اور ان سوالوں کا مقصد کسی طرح کا کوئی شبہ پیدا کرنا نہیں ہے :
یہ کہ خداوند متعال فرماتا ہے: «وما ینطق عن الهوی ان هو الا وحی یوحی» کیا اس میں پیغمبر اکرم(ص) کے تمام سخن شامل ہیں؟
اور یہ کہ خداوند کریم نےبعض آیات میں ان سے کیوں سوالات پوچھے ہیں مثلاً:
«عفا الله عنک لم اذنت ....»، «لم تحرم ما احل الله لک «...
میرا سوال یہ ہے کہ کیا رسول الله صلوات الله علیه و آله کی اجازت وحی خدا سے نہیں تھی؟پس خدا نے کیوں آنحضرت سے اس طرح خطاب فرمایا؟
ـ اور یہ کیوں فرمایا کہ: «لو تقول علینا بعض الاقاویل ...» کیاپیغمبر کے تمام سخن وحی نہیں ہیں؟
ـ «لئن اشرکت لیحبطن عملک ...» کے بارے میں کیا مخاطب رسول الله صلي الله عليه وآله ہیں؟
------------------------------------------------
پاسخ:
بسم الله الرحمن الرحيم
جیسا کہ آیت شریفہ «وما ینطق عن الهوی ان هو الاّ وحی یوحی» میں تصریح ہوئی ہے کہ پیغمبر اکرم صلی الله علیه وآله جو بھی سخن ارشاد فرمائیں وہ «وحی الهی» ہے نہ کہ اس کے علاوہ کچھ اور۔
جس چیز کی وجہ سے کچھ افراد شک و تردید کے شکار ہوئے ہیں وہ یہ ہے کہ انہوں نے یہ گمان کیا ہے کہ وحی سے مرادصرف وہی کچھ ہے جو جبرئیل کے ذریعہ آنحضرت پر نازل ہو اور آپ پر وحی کی خاص حالت طاری ہو۔اس لئے وہ شک کا شکار ہوئےکہگھر یا عام حالات میں رسول اکرمۖ کی گفتگو کس طرح وحی سے سازگار ہے؟لیکن اگر وحی کے معنی اور اس کی اقسام پر توجہ کریں تو یہ معلوم ہو گا کہ جناب جبرئیل کا نازل ہونا اور رسول اکرمۖ پر ایک خاص حالت کا طاری ہونا وحی کے موارد میں سے ایک ہے ۔اور پھر یہ شبہ پیدا نہیں ہو گا۔
نیز یہ بھی جان لینا چاہئے کہ وحی کی اقسام میں سے ایک قسم پیغمبر اکرمۖ پر وحی کی خاص حالت پیدا ہوئے بغیر خدا کی طرف سے القاء ہونا ہے۔وحی کی اقسام سے آشنائی کےلئے اس متعلق کتابوں کی طرف رجوع فرمائیں۔
***
قرآن میں متععد موارد میں پيامبر اکرم صلي الله عليه وآله کو مخاطب کیا گیا ہے لیکن اس سے پیغمبرۖ کی ذات مراد نہیں ہے بلکہ اس سے تمام مسلمانوں سے خطاب ہے مثلاً قرآن میں آنحضرت سے خطاب ہوا ہے: «لاتدع مع الله الها آخر فتلقي في جهنم ملوما مدحورا» (1) .
یہ واضح سی بات ہے کہ یہ خطاب نہ تو آنحضرت کے علم و عصمت سے اور نہ ہی آیہٴ تطہیر اور دوسری آیات سے سازگار ہے۔اس بناء پر کسی صورت میں بھی یہ ممکن نہیں ہے کہ مذکورہ آیت خدا کی طرف سے پیغمبر اکرمۖ کو خطاب قرار دیا گیا ہو۔
امام صادق علیہ السلام سے ایک روایت میں وارد ہوا ہے کہ آپ نے فرمایا: «ان الله تعالي بعث نبيّه بايّاک اعني واسمعي يا جارة»،(2) اس بناء پر اگرچہ آنحضرت سے خطاب ہے لیکن حقیقی و واقعی خطاب لوگ ہیں نہ کہ پيامبر اکرم صلي الله عليه وآله.
کتاب «عيون اخبار الرضا عليه السلام» میں علي بن محمد بن جهم سے روایے ہوئی ہے کہ انہوں نے کہا:
میں مأمون کی مجلس میں داخل ہوا تو وہاں حضرت امام رضا عليه السلام بھی موجود تھے ۔ مأمون نے آنحضرت سے کہا:يابن رسول الله؛ کیا آپ کا عقیدہ یہ نہیں ہے کہ انبياء معصوم ہیں؟
حضرت امام رضا عليه السلام نے فرمایا:کیوں نہیں
مأمون نے اپنے سوالوں کے ضمن میں پوچھا:يا اباالحسن؛ پس آيۀ «عفا الله عنک لم اذنت لهم» کے کیا معنی ہیں؟!
امام رضا عليه السلام نے فرمایا:یہ مشہور ضرب المثل «در، به تو مي گويم ديوار، تو بشنو» کی طرح ہے. اور اس آیت میں خداوند نے اپنے پیغمبر سے خطاب کیا لیکن خدا کی مراد و مقصود اس کی امت ہے۔
اسی طرح یہ آيهٔ «لئن اشرکت ليحبطن عملک ولتکونّن من الخاسرين» اوریہ آيه شريفه«ولولا ان ثبتناک لقد کدت ترکن اليهم شيئا قليلا»بھی ہے.
مأمون نے کہا: يابن رسول الله!آپ نے درست فرمایا ہے۔
یہ ایک طولانی روایت ہے اور حضرت امام رضا علیه السلام نے اس طرح کی آیات کی وضاحت کی ہے اور اس کی تفسیر بیان کی ہے.(3)
***
آيهٔ شريفهٔ «ولو تقوّل علينا...» اس چیز کی دلیل ہے که قرآن، وحي الهي ہے اور یہ اس سے پہلے والی آیت «تنزيل من ربّ العالمين» کو اثبات اور تاکید کرتی ہے۔«قرآن اخدا کی طرف سے نازل ہوا ہے اور اگر ہم سے کوئی جھوٹی بات منسوب کریں » «لاخذناه باليمين» «ہم اپنی قدرت سے اسے پکڑ لیں گے اور...».
اس بناء پر خداکے اس کلام میں «ولو تقوّل علينا»میں کلمہٴ"لو"کے یہ معنی ہیں کہ پيامبرنے لوگوں تک خدا کا کلام پہنچا دیا ہے اور خدا سے جھوٹی نسبت نہیں دی ہے اور مورد مؤاخذه قرار نہیں پائے اور«لاخذنا منه باليمين ثم لقطعنا منه الوتين» متحقق نہیں ہوا ۔پس چونکہ خداوند نے اپنے پيامبر کا محاکم و مؤاخذه نہیں کیا تو یہ اس چیز کی دلیل ہے کہ قرآن، خداوند کا کلام ہے نہ کہ کوئی جھوٹ کہ پیغمبرۖ نے نعوذ باللہ جس کی نسبت خدا کی طرف دی ہو۔اس بناء پر یہ آیت مبارکہ «ولو تقوّل علينا» نه صرف قرآن کے وحی ہونے سے کوئی منافات نہیں رکھتی بلکہ قرآن کے وحي الهي ہونے کی بھی دلیل ہے۔
------------------------------------
(1) سورهٔ اسراء ، آیۀ 39.
(2) بحارالانوار : 92 /381 .
(3) عیون اخبار الرضا علیه السلام ، باب عصمت انبیاء علیهم السلام : 1 / 161 (چاپ نجف اشرف).
المنجی ویب سائٹ
آج کے وزٹر : 62696
کل کے وزٹر : 239476
تمام وزٹر کی تعداد : 122491650
|