کیا اہلبیت اطہار علیہم السلام کی روایات میں جنگ عظیم کی پیشگوئی ہوئی ہے؟
اب پوری دنیا کو غیر یقینی صورت حال کا سامنا ہے اور جنگ عظیم کے واقعہ ہونے کا امکان ہے کہ جو دنیا کے بہت سے لوگوں کی موت کا ذریعہ ہو گی لیکن کیا اہلبیت اطہار علیہم السلام کی روایات میں جنگ عظیم کے واقع ہونے کا تذکرہ ملتا ہے؟
اہلبیت اطہار علیہم السلام کی روایات میں جنگ عظیم اور اکثر لوگوں کی نابودی کا تذکرہ ملتا ہے اور روایات میں انسانوں کے تیسرے،دوسرے یا دسویں حصہ کی نابود ی کا ذکر ہوا ہے۔
یہ واضح ہے کہ ایسی روایت جنگ عظیم کے بارے میں ہیں کہ جو امام زمانہ عجل اللہ فرجہ الشریف کے ظہور سے پہلے رونما ہو گی نہ کہ آنحضرت کے ابتدائے ظہور میں۔
دنیا والوں پر واجب ہے کہ وہ خدا کی بارگاہ کی طرف توجہ کرتے ہوئے ظلم و ستم اور فساد و فحشاء سے گریز کریں کہ جو جنگ عظیم کے واقعہ ہونے کا باعث ہیں اور جنگ عظیم کی روک تھام کے لئے ٹھوس اقدامات کریں لیکن افسوس سے کہنا پڑتا ہے کہ دنیا کے جن ممالک کو لوگوں کی افکار میں تبدیلی کی پاسداری کرنی چاہئے تھی اور جنہیں لوگوں کی نجات کا سامان فراہم کرنا چاہئے تھا انہوں نے اس بارے میں غفلت برتی اور انسان چاہتے ہوئے یا نہ چاہتے ہوئے جنگ عظیم کی طرف بڑھ رہا ہے۔
پیغمبر اکرم صلی اللہ علیہ و آلہ وسلم اور حضرت امیر المومنین علی علیہ السلام اور دوسرے تما م ائمہ اطہار علیہم السلام نے اپنی پیشگوئیوں کے ذریعہ لوگوں کو ان کے مستقبل سے آگاہ کیا لیکن ابتدائے اسلام سے بہت کم لوگوں نے ان پیشگوئیوں سے سبق لیا ہے اور اب تک بہت سے لوگ نابود کرنے والے حوادث اور گمراہ کرنے والے اعتقادات میں غرق ہو چکے ہیں ۔
لوگ بارگاہ خداوندی کی طرف توجہ اور اہلبیت اطہار علیہم السلام سے توسل کے ذریعہ دنیا کو جنگ عظیم سے بچائیں۔
بازديد امروز : 62949
بازديد ديروز : 239476
بازديد کل : 122491903
|