نیمۂ شعبان میں امام حسین علیہ السلام کی زیارت کی فضیلت

سید بن طاووس رحمه اللهنے کتاب ’’مصباح الزائر‘‘ میں امام صادق علیه السلام سے روایت کی ہے کہ آپ نے فرمایا :

’’من زار الحسين ‏عليه السلام في النصف من شعبان، كتب الله عزّ وجلّ له ألف‏ حجة.‘‘ [1]

جو شخص نیمۂ شعبان میں امام حسین علیہ السلام کی زیارت کرے ، خداوند عزوجل اس کے لئے ہزار حج لکھے گا ۔

لیکن اس رات  میں کون سی زیارت پڑھی جائے ؟ روایت ہوا ہے کہ اس رات  امام حسین علیہ السلام کی وہی زیارت پڑھی جائے جسے یکم رجب میں ذکر کیا ہے ۔ پس یکم رجب کی زیارت کی طرف رجوع کریں اور اس دن بھی وہی زیارت پڑھیں ۔

پندرہ  شعبان کی رات ان چار راتوں میں سے ایک ہے ؛ جن میں شب بیداری کرنی چاہئے  اور اس رات کے اعمال بھی بہت زیادہ ہیں ۔انشاء اللہ ہم اس رات کے بہ قدر کفایت اعمال ذکر کریں گے ، لیکن اس رات سب سے افضل عمل سید الشہداء حضرت اباب عبد اللہ الحسین علیہ السلام کی زیارت ہے ، جس کی طرف ہم نے پہلے بھی اشارہ کیا ہے ۔ [2]

 

---

[1] ۔ بحارالأنوار 10۱/۱۰۰ح35.

[2] ۔ مصباح الزائر: 312.