امام زمانہ عجل اللہ فرجہ الشریف کے مقام و منزلت کی معرفت
امام کا باعظمت وجود اپنی نورانی خصوصیتوں کے سبب انتظار کی کیفیت کے لئے کلیدی حیثیت رکھتا ہے ۔ کیونکہ دنیا میں آپ کے علاوہ کو ئی بھی رہبری ،امامت اور کائنات کی اصلاح کے لا ئق نہیں ہے یہ اسباب انسان کو آپ کی طرف جذب کرتے ہیں نیز آپ خداکی آخری نشانی ہیں آپ ہی آخری راہنما اور ہادی ہیں جیسا کہ آپ سے متعلق حضرت امیر المؤمنین علیہ السلام فر ماتے ہیں :
''عِلْمُ الْاَنْبِیٰاء فِی عِلْمِھِمْ وَسِرُّ الْاَوْصِیٰاء فِیْ سِرِّھِمْ وَ عَزُّالْاَوْلِیٰاءِ فِیْ عِزِّھِمْ ، کَالْقَطْرَةِ فِی الْبَحْرِ وَ الذَّرَّةِ فِی الْقَفْرِ'' ([1])
تمام نبیوں کا علم ،تمام اوصیاء کے راز،تمام اولیاء کی عزتیں آپ کے علم ،راز اور عزت کے مقابلے میں ایسے ہی ہے جیسے سمندر میں ایک قطرہ یا ریگستان میں ایک ذرہ ۔
چونکہ ہم خاندان عصمت و طہارت علیھم السلام کے آخری فرد کے دور میںزندگی گزار رہے ہیں اسی لئے ہمارا یہ فرض ہے کہ ہم آپ کے زریں فرامین واقوال کے سائے میں رہتے ہو ئے تباہی اور بربادی کے طوفان سے بچیں اور آنحضرت کے ظہور کے لئے راہ ہموار کریں نیز آپ کی حکومت کے انتظار میں ہرایک لمحہ شمار کرتے رہیں تا کہ آپ پرچم ہدایت وعدالت افلاک عدل و انصاف پر نصب فرما دیں ۔
اگر کو ئی اس زمانے میں امام علیہ السلام کو پہچان لے اور زمانہ ٔغیبت میں امام زمانہ عجل اللہ فرجہ الشریف کی اس امداد سے آگاہی رکھتا ہو اور آپ کے ذریعے زمانہ ٔ ظہور میں دنیا اور انسانوں میں ایجاد ہونے والی تبدیلیوں سے بھی آشنا ہو تو وہ ہمیشہ آپ کی یاد میں رہے گا اور اس طرح جیسا کہ حکم ہوا ہے([2])آفتاب ولایت کے طلوع کے انتظار میں زندگی بسر کرے گا ۔
معرفت ؛ایسے انسان کے دل سے غلاظت اور زنگ کو پاک اور صاف کرکے اس کی جگہ پا کیزگی خلوص اور نورانیت کو جایگزین کرے گی۔ اب ایک نہا یت ہی پر کشش روایت کی طرف توجہ کریںجس سے امام عجل اللہ فرجہ الشریف کے زمانہ ٔغیبت میں آپ کی طرف سے غیبی امداد کا پتہ چلتاہے جابر جعفی حضرت جابر بن عبداللہ انصاری سے اور وہ حضور اکرم ۖ سے نقل کرتے ہیں کہ آپ نے فر مایا :
''....ذٰاکَ الَّذِی یَفْتَحُ اللّٰہُ تَعٰالٰی ذِکْرُہُ عَلٰی یَدَیْہِ مَشٰارِقَ الْاَرْضِ وَ مَغٰارِبَہٰا ، ذٰاکَ الَّذِیْ یَغِیْبُ عَنْ شِیْعَتِہِ وَ اَوْلِیٰا ئِہِ غَیْبَةً لاٰ یَثْبُتُ فِیْھٰا عَلَی الْقَوْلِ بِاِمٰامَتِہِ اِلاّٰ مَنْ اِمْتَحَنَ اللّٰہُ قَلْبَہُ بِالْاِیْمٰانِ ''''قٰالَ :فَقٰالَ جٰابِرُ :یٰا رَسُوْلَ اللّٰہِ فَھَلْ یَنْتَفِعُ الشِّیْعَةُ بِہِ فِیْ غَیْبَتِہِ ؟
فَقٰالَ : ای وَالَّذِیْ بَعْثَنِیْ بِالنُّبُوَّةِ أَنَّھُمْ لَیَنْتَفِعُوْنَ بِہِ وَ یَسْتَضِیْئُونَ بِنُوْرِ وِلاٰیَتِہِ فِی غَیْبَتِہِ کَانْتِفٰاعِ النّٰاسِ بِالشَّمْسِ ،وَاِنْ جَلَّلَھَا السِّحٰابُ ، یٰا جٰابِرُ ،ھٰذٰا مَکْنُوْنُ سِرِّ اللّٰہِ وَ مَخْزُوْنُ عِلْمِہِ فَاکْتُمْہُ اِلاّٰ عَنْ أَھْلِہِ ''([3])
وہ (امام زمانہ عجل اللہ فرجہ الشریف) جن کے ذکر کو خداوند کریم زمین کے تمام گوشہ و کنار میں آپ ہی کے ذریعہ پہنچائے گا وہ اپنے شیعوں اور محبوں سے غائب رہیں گے اس طرح کہ بعض آپ کی امامت کے منکر ہو جا ئیں گے سوائے ان افراد کے جن کے ایمان کا خداوند کریم نے امتحان لے رکھا ہو ۔
جابر جعفی کہتے ہیں :جابر بن عباللہ انصاری نے پیغمبر اکرمۖ کی خدمت میں عرض کی : یا رسو لۖ اللہ! کیا شیعہ ان کی غیبت کے زمانے میں ان سے بہرہ مند ہو سکیں گے ؟
پیغمبر اکرمۖ نے جواب میں فرمایا :
'' اس خدا کی قسم کہ جس نے مجھے رسالت پر مبعوث کیا وہ افراد آپ کے وسیلہ سے بہرہ مند ہوں گے ان کی غیبت کے زمانے میں ان کے نور ولایت سے روشنی حاصل کریں گے ،جس طرح لوگ سورج سے بہرہ مند ہو تے ہیں اگر چہ بادل اسے ڈھانکے ہوئے ہوں۔اے جابر!وہ خدا کے مخفی رازوں اور اس کے علم کے خزانو ں میں سے ہے ۔لہٰذا اسے مخفی رکھو مگر اس کے اہل سے''.
جیسا کہ آپ نے ملا حظہ فرمایا کہ پیغمبر اکرم ۖ نے اس حدیث میں تاکید کے ساتھ قسم کھائی ہے کہ شیعہ امام عصر ارواحناہ فداہ کے زمانہ غیبت میں آپ کے نور ولایت سے روشنی حاصل کریں گے ۔
کیست بی پردہ بہ خور شید ،نظر باز کند چشم پوشیدۂ ما،علت پیدائی توست
از لطافت نتوان یافت ،کجا می باشی جای رحم است بر آن کس کہ تماشایی تست
اگر چہ امام زمانہ عجل اللہ فرجہ الشریف اس زمانے میں غائب ہیں مگر حقیقت میں پردۂ غیبت ہمارے دلوں پر ہے ور نہ امام اس شخص کے لئے چمکتا ہوا نور ہیں جس کا دل آئینہ کی طرح پاک اور صاف ہو خواہ ظاہراً نابینا ہو ۔ ([4])
اس حقیقت کی طرف توجہ انسان کی منزل ولایت اور آپ کے علم اور قدرت کی طرف راہنمائی کرتی ہے اوردلوں کو امام زمانہ عجل اللہ فرجہ الشریفکی محبت سے سرشار اور آنحضرت کی آئندہ آنے والی حکومت کے انتظار کو ایجاد کرتی ہے ۔
[4] ۔ اس مطلب کی وضاحت کے لئے کتاب اسرار موفقیت ج ٢ کے صفحہ نمبر ٥٠سے ابو بصیر کی روایت میں امام باقر علیہ السلام کے غائب ہونے کے واقعہ کی طرف رجوع فرمائیں ۔
آج کے وزٹر : 75167
کل کے وزٹر : 242836
تمام وزٹر کی تعداد : 124851642
|