زمانہٴ غیبت میں شیعوں کی اہم زمہ داری بیان فرمائیں؟
خاندان وحی علیهم السلام کے تمام دوست و محب اور راہ خدامیں معنوی تحوّل کی جستجو کرنے والوں کو یہ جان لینا چاہئے کہ خدا نے انہیں بے شمار نعمتوں سے نوازا ہے لیکن اس کے مقابلہ میں کچھ عظیم ذمہ داریاں بھی عائد کی ہیں۔
زمانہٴ غیبت اہم ذمہ داریوں میں سے ایک امام زمان عجل اللہ فرجہ الشریف کی خدمت کا عہد اور اس عہد کو نبھاتے ہوئے فدا ہونا ہے۔
ہم سب کو امام زمانہ عجل اللہ فرجہ الشریف سے کئے گئے عہد و پیمان کا اقرار کرنا چاہئے اور جان و دل سے اس عہد کو نبھانا چاہئے تا کہ آنحضرت کی نصرت کر سکیں۔دعائے عہد ہمیں یہ اہم درس تعلیم دیتی ہے:
امام صادق علیه السلام اس دعا میں ہم سب کو تعلیم دیتے ہیں کہ تمام محبین اهل بیت علیهم السلام اور تمام عشاق حضرت مهدی ارواحنا فداه کو آنحضرت سے کئے گئے عہد و پیمان کو نبھانا چاہئے اور اس راہ میں فدا ہوں۔
ہمیں اس راہ میں مزید استقامت سے ہر دن تجدید عہد کرنا چاہئے نہ کہ اس سے دستبردار ہو جانا چاہئے اور نہ ہی کسی دوسرے عمل کو اس کا قائم مقام قرار نہیں دینا چاہئے:
أَللَّهُمَّ إِنّي اُجَدِّدُ لَهُ في صَبيحَةِ يَوْمي هذا ، وَما عِشْتُ مِنْ أَيَّامي ، عَهْداً وَعَقْداً وَبَيْعَةً لَهُ في عُنُقي ، لا أَحُولُ عَنْها ، وَلا أَزُولُ أَبَداً .
خدایا؛ میں آج کی صبح اور اپنی زندگی کے تمام ایّام میں آنحضرت کے ساتھ عہد وپیمان کرتا ہوں اور آنحضرت کی بیعت کرتا ہوں کہ کبھی بھی کسی صورت میں بھی ان سے منہ نہیں پلٹوں گا۔
پس ہمیں امام زمانہ عجل اللہ فرجہ الشریف کی راہ میں کام و کوشش کرنی چاہئےتا کہ آنحضرت کے خادموں کی علامتوں اور اسباب میں سے قرار پائیں۔ ہم امام حسن عسکری علیه السلام کی بہت اہم دعائے قنوت میں پڑھتے ہیں:
اللهم اجعلنا سبباَ من أسبابه وعلماً من أعلامه ومعقلاً من معاقله. (صحیفۀ مهدیه : 163)
خداوندا؛ مجھے ان کے اسباب میں سے ایک سب اور ان کی نشانیوں میں سے ایک نشانی اور پناہ دینے والے کی پناہگاہوں میں ایک پناہگاہ قرار دے۔
اس بناء پر ہمیں نہ صرف امام زمانہ عجل اللہ فرجہ الشریف کی معرفت ہونی چاہئے بلکہ آنحضرت کی راہ میں حدمت کرنے کے لئے بھی کوشاں رہنا چاہئے اور معاشرے کے افراد کو اپنے وقت کے امام (ارواحنا فداہ) کی طرف رہنمائی کرنی چاہئے۔
Today’s viewers : 188684
Yesterday’s viewers : 242836
Total viewers : 125078667
|