ہر مؤمنہ پر حضرت امام حسین علیہ السلام
کی زیارت کا وجوب
حضرت امام حسین علیہ السلام کی زیارت کا وجوب صرف مردوں سے ہی مخصوص نہیں ہے بلکہ آپ کی زیارت مؤمنہ عورتوں پر بھی واجب ہے ۔ اور زرارہ نے امام محمد باقر علیہ السلام یا امام جعفر صادق علیہ السلام سے جو روایت نقل کی ہے ، وہ اس پر دلالت کرتی ہے کہ آپ نے فرمایا :
يا زرارة ما في الأرض مؤمنة إلاّ وقد وجب عليها أن تسعد فاطمة صلّى اللَّه عليها في زيارة الحسين عليه السلام . [1]
اے زرارہ ! روئے زمین پر کوئی ایسی با ایمان عورت (مؤمنہ) نہیں ہے مگر یہ کہ اس پر واجب ہے کہ وہ حضرت امام حسین علیہ السلام کی زیارت کے بارے میں حضرت فاطمہ علیہا السلام کی مدد کرے ۔
یہ روایت صراحت رکھتی ہے کہ با ایمان عورتوں کی زیارت کی کیفیت یہ ہونی چاہئے کہ اس سے سیدۃ نساء العالمین حضرت فاطمۂ زہراء سلام اللہ علیہا کی نصرت اور مدد ہو ۔ پس مؤمنہ عورتوں پر واجب ہے کہ ان کی زیارت ایسی نہ ہو کہ جو جناب سیدۂ طاہرہ سلام اللہ علیہا کے غضب کا باعث بنے ۔
نیز حضرت امام حسین عليه السلام کی زیارت کا وجوب صرف انہیں عورتوں سے مخصوص نہیں ہے جو کربلا کے قریب رہتی ہوں ، بلکہ یہ روایت عام ہے اور سید الشہداء حضرت امام حسین علیہ السلام کی زیارت ان با ایمان عورتوں پر بھی واجب ہے کہ جو دنیا کے دور دراز کے علاقوں میں رہتی ہوں ۔ پس ان پر بھی حضرت ابا عبد اللہ الحسین علیہ السلام کی زیارت واجب ہے، مگر یہ کہ کوئی ایسی مجبوری یا عذر ہو کہ جس کی وجہ سے وہ زیارت کے لئے نہ آ سکیں ۔
آج کے وزٹر : 67502
کل کے وزٹر : 275404
تمام وزٹر کی تعداد : 121656552
|