نمازوں  کے  سجدہ  میں  وسعت  رزق    کے  لئے  ائمہٴ  معصومین  علیہم  السلام  سے  کون  سے  دعا  روایت  ہوئی  ہے؟

از آقاي جواد:

بسم الله الرحمن الرحيم

السلام علیکم! واجب  نمازوں  کے  آخری  سجدے  میں وسعت  رزق  کے  لئے  ائمہٴ  معصومین  علیہم  السلام  سے  کون  سے  دعا  روایت  ہوئی  ہے؟

--------------------------------------

جواب :

زيد شحّام نے امام باقر عليه السلام سے نقل کیا  ہے  کہ آنحضرت نے  فرمایا:

واجب  نمازوں  میں  طلب  رزق  کے  لئے  سجدہ  میں  یہ  دعا  پڑھو:

«يا خير المسئوولين و يا خير المعطين ارزقني وارزق عيالي من فضلک الواسع فانّک ذوالفضل العظيم».(1)

مرحوم کليني  نے اصول کافي میں  حصول  رزق کے  لئے  مذکورہ  دعا  کے  بعد  ایک  اور  دعا  بھی  نقل  کی  ہے  کہ  جو  نماز  شب  پڑھنے  کے  بعد  سجدہ  میں  پڑھی  جاتی  ہے:

****

کچھ  افراد  کی  نظر  میں  حصول  رزق  اور  قرض  کی  ادائیگی  کے  لئے  سب  سے  اہم  اور  موٴثر  دعا  وہ  استغفار  ہے  کہ  جسے  حضرت امام رضا عليه السلام نے اپنے جد بزرگوارحضرت اباعبدالله الحسين عليه السلام   سے  اور  آپ  نے حضرت اميرالمؤمنين عليه السلام سے نقل کیا  ہے  اورحضرت اميرالمؤمنين عليه السلام نےیہ  استغفار ایک  عربي شخص  کو  تعلیم  فرمائی  کہ  جس  کے  اہل  و  عیال  تھے  اور  اس  کے  پاس  مال  دنیا  نہیں  تھا۔

یہ دعا اور استغفار بہت مجرّب ہے  اوربہت  سے  افراد  نے  اسے  بارہا  پڑھا  ہے۔ہم  نے  یہ  دعا  کتاب صحيفهٔ رضويه "میں  ذکر  کی  ہے  کہ  جو انیسویں  باب  کی  پانچویں  دعا  ہے  اور  جس  کا  عنوان «بہت  اہم  استغفار » ہے۔

کتاب «صحيفهٔ رضويه» کے  مطالعہ  اور  اسے  ڈانلوڈ  کرنے کے  لئے    المنجی  ویب  سائٹ  میں  کتابخانہ    کے  حصہ  کی  طرف  رجوع  فرمائیں۔ 

--------------------------------------

(1) اصول کافي : 2 / 551، اصول کافي (مترجم) : 4 / 332.

 

المنجي  ویب  سائٹ