سخت مشکلات کا کیا مثبت کردار ہے؟
اولیائے خدا،عظیم لوگوں اور عرفاء کی معنوی زندگی کو معراج عطا کرنے میں مصائب اور مشکلات کا اہم کردا ر رہا ہے۔ اگرچہ بہت سے لوگ مختلف فتنوں میں گمراہ ہو جاتے ہیں اور ان کی خودی و ذات فنا ہو جاتی ہے لیکن حقیقی انسان نہ صرف فتنوں میں مبتلا ہونے سے خود کو سنوارتے ہیں، خود سازی کرتے ہیں اور بلند مقام تک پہنچتے ہیں.
حضرت امیرالمؤمنین علیه السلام فرماتے:
ستکون فتنة یُحصّل الناس کما یُحصّل الذهب فی المعدن.(1)
جلد ایسے فتنے رونما ہوں گے کہ جو لوگوں کو خالص کر دیں گے کہ جس طرح کندن میں سونا خالص ہو جاتا ہے.
کم قیمت سونے کو خالص اور قیمتی سونے میں تبدیل کرنے کے لئے معدن کو ہزاروں سال لگتے لیکن کبھی فتنہ اس قدر اہم اور موٴثر ہوتے ہیں کہ مختصر سی مدت میں حقیقی انسانوں کو پاک کر دیتی ہے اور تھوڑی سی مدت میں بے ارزش افراد کو ہلاک اور گمراہ کر دیتے ہیں ۔
درحقیقت ایسے عظیم فتنہ ان کی کمیوں کا جبران کرتے ہیں اور ان میں موجود پست صفات و عادات کو باثمر خصوصیات میں تبدیل کر دیتے ہیں۔کیونکہ وہ فتنوں کے رہنے کے عادی نہیں بنتے بلکہ ان میں جل جاتے ہیں اور ان میں جلنے سے نہ صرف وہ خودسازی کرتے ہیں بلکہ اس جلن سے خودسازی میں سرعت آجاتی ہے۔
اگرچہ معدن میں کم قیمت سونے کو خالص بننے میں ہزاروں سال لگتے ہیں (2) لیکن آگ و کندن ایک گھنٹے سے بھی کم مدت میں اسے خالص سونے میں تبدیل کر دیتی ہے۔
اسی طرح جن لوگوں کو خودسازی اور تذکیہ نفس کے لئے ہزاروں سال کی ضرورت ہوتی ہے کبھی مشکلات اور مصائب انہیں مختصر سے وقت میں ان کے ہدف تک پہنچا دیتے ہیں اور ان کی موانع کو برطرف کر دیتے ہیں۔
- احقاق الحق : 13 / 288 ، مستدرک نیشابوری : 4 / 553.
- خاک کے سینہ میں کس طرح معدنیات ،سونا اور بیش قیمتی گوہر جنم لیتے ہیں؟یہ جاننے کے لئے کتاب کتاب «نخبة الدهر فی عجائب البر والبحر» کی طرف رجوع کریں.
اليوم : 45364
الامس : 239619
مجموع الکل للزائرین : 124306359
|