کتاب القطرہ کی حدیث نمبر ۵۳ کے متعلق سوال
از آقاي حسن ...
آپ نے (ترجمه کتاب القطره) کی حدیث نمبر ۵۳ میں ذکر کیا ہے کہ کچھ لوگ اس حدیث کو متن اور سند کے لحاظ سے ساقط (یعنی یہ حدیث شروع ،درمیان یا آخر سے حذف ہوئی ہے) سمجھتے ہیں ۔ اس اشکال پر آپ کا تحقیقی جواب کیا ہے؟
کیا آپ اس کا جواب دےسکتے ہیں یا نہیں ؟ برائے مہربانی دونوں صورتوں میں ضرور مطلع فرمائیں ۔ شکریہ ۔
حدیث کا متن:
770/ 53 - كتاب «كافى» میں لکھتے ہیں: جعفر بن مثنى خطيب کہتے ہیں:
جب میں مدینہ میں تھا ان دنوں مرقد مطهّر پيغمبر صلى الله عليه وآله وسلم کے سر کی طرف سے مسجد کی چھٹ خراب ہوگئی تھی ،کاریگر مسلسل اوپر نیچے آ جا رہے تھے ،میں نے اپنے دوستوں سے کہا کہ آپ میں سے کس نے یہ عہد کیا ہے کہ وہ امام صادق عليه السلام کی خدمت میں شرفیاب ہو گا؟
مهران بن ابى نصرنے کہا : میں نے۔
اسماعيل بن عمّار صيرفى کہا : میں نے بھی آنحضرت کی خدمت میں مشرف ہونے کا عہد کیا ہے .
میں نے ان دونوں سے کہا:امام صادق عليه السلام سے پوچھو : کياہمارے لئےقبر کے اوپر سے جا کر قبر کی زیارت کرنا جائزہے؟
جب اگلا دن ہوا تو تو میری ان سے ملاقات ہوئی اور باہم بیٹھ گئے۔ اسماعيل نے کہا : آپ نے ہمیں جو کچھ امام صادق عليه السلام سے پوچھنے کو کہا تھا،وہ ہم نے پوچھا ہے اور آنحضرت نے فرمایا ہے:
ما اُحبّ لأحد منهم أن يعلو فوقه ولا آمنه أن يرى شيئاً يذهب منه بصره ، أو يراه قائماً يصلّي ، أو يراه مع بعض أزواجه صلى الله عليه وآله وسلم .
میں یہ بات پسند نہیں کرتا ہوں کہ کوئی شخص قبر پیغمبر صلى الله عليه وآله وسلم کے اوپر جائے اور اس چیز کی ضمانت نہیں دیتا ہوں کہ کوئی وہاں پر کچھ دیکھے اور اس کی بینائی سالم رہے ،یا آنحضرت کو نماز کی حالت میں دیکھے یا انہیں اپنی ازواج کے ساتھ دیکھے۔ (80)
------------------------------------------------------------
جواب:
اس روایت کو مرحوم آية اللَّه مستنبط نے نقل کیا ہے اور اسی طرح مرحوم كلينى و مرحوم مجلسى جیسے برزگ علماء و محدثین نے اسے اپنی کتابوں میں نقل کیا ہے اور جب اسے نقل کیا جاتا ہے تو اس کے سند و متن کے ساقط ہونے کی طرف توجہ کی جاتی ہے۔
یہ واضح ہے کہ اگر کسی روایت میں سند یا متن یا دونوں ضعف ہوں تو ان بزرگوں کی نظر میں اس کی کوئی وجہ ہو گی۔
توضيح : بزرگ علماء ومحدثین نے ایسی احادیث کو اپنی کتابوں میں ذکر کیا ہے تو اس کی ایک وجہ یہ ہے کہ اگرچہ وہ کسی ایک ایسی حدیث سے استدلال نہیں کرتے کہ جس میں سند کے لحاظ سے ضعف ہو اور اسے ساقط سمجھتے ہیں لیکن اس کے باوجود اسے اپنی کتابوں میں ذکر کرتے ہیں تا کہ ان کے متعدد (اگرچہ تواتر کی حد تک نہ پہنچے) کی صورت میں ان سے استدلال کر سکیں۔
دوسرا نکتہ یہ ہے کہ:ممکن ہے کہ کوئی روایت کسی عالم کی نظر میں سند یا متن کے اعتبار سے ضعیف ہو لیکن دوسرے عالم کی نظر میں ایسا نہ ہو۔
ایک بہت ہی اہم بحث کہ جس کی طرف توجہ کرنی چاہئے ،وہ یہ ہے کہ:جیسا کہ ہم جانتے ہیں کہ ابتدائے اسلام سے ہی دین کے دشمنوں نے حدیث کو لکھنے اور بیان کرنے سے منع کر دیا تا کہ قصہ گوئی اورافسانوں کو اس کی جگی دے سکیں۔
اس کے علاوہ انہوں نے اپنے فائدہ میں جعلی حدیثیں گھڑنا شروع کردیں بلکہ انہیں نے احادیث و روایات کی اہمیت کو ختم کرنے کے لئے ایک اور قبیح کام کیا کہ جو روایات کے متن میں سقط ہے یعنی انہوں نے روایت کی شروع،درمیان یا آخر سے ساقط و حذف کیا ہے تا کہ ان جیسے لوگ اصل حدیث میں شک و تردید کریں ۔ کچھ موارد میں اصل حدیث میں کمی کرنے کی بجائے روایت کو تو نقل کرتے ہیں لیکن روایت کے شروع،درمیان یا آخر میں کسی چیز کا ضافہ کر دیتے ہیں۔
یہ ایک ایسی حقیقت ہے کہ جس کی اہلسنت نے بھی تصریح کی ہے بطور نمونہ كتاب «الأضواء على السنّة المحمّديّة» کی طرف رجوع فرمائیں .
وہ نہ صرف روایت کے متن میں اضافات یا کمی کرنے کے بارے میں مدرک و سند ذکر کرتے ہیں بلکہ «نووى» سے شرح مسلم میں نقل کرتے ہیں کہ کبھی کچھ لوگ روایت کی اسناد میں بھی میں کمی بیشی کرتے تھے۔
ان مطالب پر غور کرنے سے ہم روایت کے ضعف سند یا متن کی وجہ سے خود روایت کو نظر انداز نہیں کر سکتے کیونکہ ممکن ہے کہ سند یا متن میں انہی دین دشمن عناصر نے تغییر و تبدل انجام دیا ہو۔ لہذاہم روایت کو جمع کرے انہیں تواتر کی حد تک پہنچائیں یا اگر اس کا متن ناقص ہے تو دوسری روایات کے ذریعہ اس کو مکمل کریں نہ یہ کہ روایت کو سرے سے ہی باطل سمجھ کر اپنی کتابوں میں نقل نہ کریں۔
آخر میں مذکورہ روایت کی اس طرح سے وضاحت کر سکتے ہیں:
(پیامبر اکرم صلی الله علیه وآله کی رحلت کے زمانے میں) حرم کی چھت پر جانا کہ جس سے آنحضرت کی قبر مطہر سے مشرف ہوں،یہ امام صادق علیہ السلام کی رضائیت کا باعث نہیں ہے (کہ جس طرح آنحضرت کی حیات کے زمانے میں) آنحضرت کے گھر کی چھت پر جاناکہ جس سے آنحضرت دکھائی دیں چاہے وہ جس حال میں بھی ہوں ،یہ جائز نہیں ہے۔اور بعض موارد میں ممکن ہے کہ یہ اس شخص کے نابینا ہونے کا بھی باعث بن سکتا ہے۔
المنجی ویب سائٹ
آج کے وزٹر : 0
کل کے وزٹر : 223335
تمام وزٹر کی تعداد : 126901462
|