امام صادق علیہ السلام کے اس فرمان کی وضاحت

حضرت امام جعفر صادق علیہ السلام نے اس روایت میں گریہ کرنے ، اشک بہانے اور آہ و بکاء  اور جزع و بے تابی کرنے کے اہم آثار بیان فرمائے ہیں ۔

جزع و بے تابی کے کیا معنی ہیں ؟ اسے واضح کرنے کے لئے ہم مرحوم علامہ مجلسی کا قول نقل کرتے ہیں :

مرحوم علامہ مجلسی فرماتے ہیں:مرحوم شہید ثانی نے کتاب ’’مسکّن الفؤاد ‘‘ میں روایت نقل  کی ہے کہ جابر نے امام باقر علیہ السلام سے روایت کی ہے کہ آپ  نے فرمایا :

سب سے زیادہ جزع و فریاد اور بے تابی یہ ہے کہ انسان واویلا کرنے کے ساتھ آہ و فریاد کرے ، اپنے چہرے پر طمانچے مارے ، سینہ زنی کرے ، اپنے بال کھینچے ، اور...^[1]

قاموس میں ذکر ہوا ہے : «الصرخة» سے مراد بہت زیادہ فریاد کرنا ہے ،  اور «صراخ» بر وزن غراب ، کے معنی صدا یا بہت شديد صدا کے ہیں اور کہا ہے کہ «أعوَلَ» يعنى بلند آواز سے گریہ اور فریاد کرنا  ، یہ معنی کے لحاظ سے «عوَّلَ» کے مترادف ہے ، اور اس کا اسم «العول و العوله و العويل» ہے اور انہوں نے کہا ہے : «اللطم» يعنى اپنے چہرے پر مارنا اور ا پنے کھلے ہوئے ہاتھ سے سینے پر مارنا۔^[2]