ایک مشکل حدیث کی توضیح کے بارے میں سوال کا جواب
از آقاي علي ... :
اس حدیث کے بارے میں آپ کاکیا نظریہ ہے؟
ایک دن رسول اکرم صلی الله علیه وآله وسلّم نے منبر سے حسنین علیهماالسّلام کے رونے کی آواز سنی تو پریشانی سے کھڑے ہو گئے اور فرمایا:
«ایّها النّاس!… فقد قُمتُ إلیهما و ما مَعِی عَقلِی»؛
«اے لوگو! میں بے ساختہ کھڑا ہو گیا اور اپنے بیٹوں کی طرف چلا گیا اور گویا اس وقت میری عقل میرے ساتھ نہیں نہیں تھی ». المناقب: ۳/۳۸۵؛ بحارالانوار: ۴۳/۲۸۴؛ المستدرک: ۱۵/۱۷۰
میں نے یہ حدیث ایک سائٹ سے لی ہے اور مجھے نہیں معلوم کہ کیا یہ فضیلت ہے یا نہیں؟
------------------------------------
جواب :
بسم الله الرحمن الرحيم
اگر کوئی عام شخص یہ جملہ کہے تو نہ صرف یہ کہ یہ کوئی فضیلت نہیں ہے بلکہ لائق مذمت بھی ہے لیکن اهل بيت عليهم السلام کے نفوس طاهرو مطهر ہیں لہذا یہ کلام فضیلت پر دلالت کرتا ہے۔
اس کی وضاحت ملاحظہ ہو : آیہ تطہیر اور دوسری آیات کی رو سے خاندان رسالت صلوات الله عليهم اجمعين کاتمام وجود مبارک ہر قسم کے عیب و نقص سے پاک و مطهر ہے۔اس بناء پر نہ صرف ان ہستیوں کی عقل و روح طاهر و مطهر ہیں بلکه ان کے نفوس اقدس بھی ہر قسم کے عیب و نقص کے شائبهٔ مبرّا ہیں.
پس اگر یہ بزرگ ہستیاں احساسات (کہ جن کا سرچشمہ نفس ہے)کی وجہ سے کوئی عمل انجام دیں تو وہ عمل ہر عیب و نقص سے بعید و مبرّا ہو گاکیونکہ ان پاک و مطہر اور بزرگ ہستیوں کا نفس بھی پاک و مطہر ہے۔اس کے نفس سے صادر ہونے والے تمام تمایلات اور اعمال بھی رحمانی ہیں کہ جن میں کوئی اشتباہ نہیں پایا جاتاہے۔
اس بناء پراحساسات کی وجہ سے پيامبر اکرم صلي الله عليه وآله کا امام حسن و امام حسين عليهما السلام کو چپ کروانے کے لئے جانا ان تمام بزرگ ہستیوں کے لئے فضیلت ہے۔کیونکہ ایک پاک و مطہر نفس نے دو پاک و مطہر ہستیوں کے لئے ایک پاک عمل انجام دیا ہے۔
المنجی ویب سائٹ
بازديد امروز : 0
بازديد ديروز : 203602
بازديد کل : 123061422
|