بنی امیہ کے بارے میں قرآن کی پیشنگوئی
قرآن مجید میں پروردگار عالم کی بنی امیہ کی حکومت کے بارے میں پیشنگوئی لوگوں کوبنی امیہ کے طرز حکومت اوران کے غیر اسلامی کردار و رفتار سے آشنا کروانے کے لئے ہے کہ جس میں تمام اہلسنت اور بالخصوص نوجوانوں کے لئے بہت بڑا درس ہے تاکہ وہ یہ جان لیں کہ بنی امیہ اور مکتب اہلبیت علیہم السلام کے تمام مخالفین کا نہ صرف حکومت الٰہی پر کوئی حق نہیں ہیبلکہ وہ اس حکومت کے غاصب ہیں، اور ان میں نہ صرف یہ کہ الٰہی حکام کی صفات ہی نہیں تھیں بلکہ وہ اپنے منصوبوں اور مکاریوں سے الٰہی حکومت کو اس کے حقیقی حاکموں سے غصب کرکے خدا کے خلیفہ کے عنوان سے مسلمان کی گردن پر سوار ہو گئے۔جہاں تک ہو سکا انہوں نے نور الٰہی کو بجھانے اور دین کے احکامات کو نیست ونابود کرنے کی کوشش کی۔لیکن ان سب کے باوجود قرآن کریم اور پیغمبر عظیمۖ کی پیشنگوئیوں نے اس زمانے میں بھی بے شمار لوگوں کو خواب غفلت سے بیدار کیااور اس زمانے کے لوگوں کی راہ راست کی طرف ہدایت کی۔
جس طرح قرآن کریم اور پیغمبر اکرمۖ کے ارشادات نے اس زمانے کے بہت سے لوگوں کو آگاہ کیا تا کہ وہ اپنے آباء و اجداد کے عقائد سے دستبردار ہو جائیں ،اسی طرح اس زمانے میں بھی لوگ قرآن مجید کی آیات اور پیغمبر اکرمۖ کی احادیث میں غور فکر کرکے راہ حق کو پہچان کر اسی راہ پر گامزن ہو سکتے ہیں۔
اس طرح کی آیات و روایات سے آشنا ہونے کے لئے ان موارد پر توجہ کریں:
١۔ ترمذی نے یہ روایت سورۂ قدر کے باب (باب٨٥) میں یوسف بن سعید سے نقل کی ہے:
جب لوگوں نے معاویہ کی بیعت کی تو اس کے بعد ایک شخص حضرت امام حسن علیہ السلام کے پاس آیا اور اس نے کہا:تم نے مؤمنینروسیاہ کر دیا!یا کہا:اے مؤمنوں کو روسیاہ کرنے والے!
آنحضرت نے اس سے فرمایا:
میری مذمت نہ کرو،خداوند تم پر رحمت کرے ؛کیونکہ پیغمبر اکرمۖ نے دیکھا کہ بنی امیہ ان کے منبر پر بیٹھے ہیں۔
آنحضرت اس واقعہ سے پریشان ہوئے ،پس یہ آیت نازل ہوئی:
(اِنّٰا أَعْطَیْنٰاکَ الْکَوْثَرَ )([1])یعنی جنت میں ایک نہر۔
(انَّا أَنْزَلْنَاہُ فِیْ لَیْلَةِ الْقَدْرِ ،،وَمَا أَدْرَاکَ مَا لَیْلَةُ الْقَدْرِ ،، لَیْلَةُ الْقَدْرِ خَیْر مِّنْ أَلْفِ شَہْرٍ ،، تَنَزَّلُ الْمَلَائِکَةُ وَالرُّوحُ فِیْہَا بِاِذْنِ رَبِّہِم مِّن کُلِّ أَمْرٍ ،، سَلَام ہِیَ حَتَّی مَطْلَعِ الْفَجْرِ )([2])
بیشک ہم نے قراان کو شب قدر میں نازل کیا.اور آپ کیا جانیں کہ یہ شب قدر کیا چیز ہے. شب قدر ہزار مہینوں سے بہتر ہے.اس میں فرشتے اور روح القدس اذن خدا کے ساتھ تمام امور کو لے کر نازل ہوتے ہیں.اور یہ رات طلوع فجر تک سلامتی ہی سلامتی ہے۔
اے محمد !بنی امیہ اس کے مالک بن جائیں گے!
قاسم کہتے ہیں:میں نے بنی امیہ کی حکومت کو شمار کیا جس کے ہزار مہینہ تھے نہ اس سے کم اور نہ ہی اس سے زیادہ۔([3])
٢۔ سیوطی نے کہا ہے:خطیب نے اپنی تاریخ میں ابن عباس سے نقل کیا ہے کہ اس نے کہا:
رسول خداۖ نے بنی امیہ کو اپنے منبر پر دیکھا تو اس واقعہ سے بہت پریشان ہوئے۔ پس خداوند کریم نے ان پر وحی کی کہ یہ ایک حکومت ہے جو انہیں ملے گی اور پھر یہ آیت نازل ہوئی: (انَّا أَنْزَلْنَاہُ فِیْ لَیْلَةِ الْقَدْرِ ،، وَمَا أَدْرَاکَ مَا لَیْلَةُ الْقَدْرِ ،، لَیْلَةُ الْقَدْرِ خَیْر مِّنْ أَلْفِ شَہْرٍ ، تَنَزَّلُ الْمَلَائِکَةُ وَالرُّوحُ فِیْہَا بِاِذْنِ رَبِّہِم مِّن کُلِّ أَمْرٍ ،، سَلَام ہِیَ حَتَّی مَطْلَعِ الْفَجْرِ )۔
خطیب نے ابن مسیب سے نقل کیا ہے کہ اس نے کہا: رسول خداۖ نے فرمایا:
میں نے دیکھا کہ بنی امیہ میرے منبر پر چڑھیں گے،یہ واقعہ میرے لئے بہت ناگوار تھا۔خدا نے یہ آیت نازل فرمائی:( (انَّا أَنْزَلْنَاہُ فِیْ لَیْلَةِ الْقَدْرِ۔۔۔۔۔۔)
٣۔ ابن اثیر کہتا ہے: جب (امام)حسن (علیہ السلام) واپس کوفہ گئے تو ایک شخص نے ان سے کہا:اے مسلمانوں کو روسیاہ کرنے والے!
(امام) حسن (علیہ السلام) نے اس سے فرمایا:
میری سرزنش نہ کرو؛کیونکہ رسول اکرمۖ نے خواب میں دیکھا کہ بنی امیہ ایک
ایک کر کے ان کے منبر پر چڑھ رہے ہیں ۔آپ اس واقعہ سے بہت پریشان ہوئے۔ خداوند عزوجل نے یہ آیت نازل فرمائی:(اِنّٰا أَعْطَیْنٰاکَ الْکَوْثَرَ )''ہم نے تمہیں کوثر عطا کی''جوجنت میں ایک نہرہے۔
اور یہ آیت نازل فرمائی: (انَّا أَنْزَلْنَاہُ فِیْ لَیْلَةِ الْقَدْرِ ،، وَمَا أَدْرَاکَ مَا لَیْلَةُ الْقَدْرِ ،، لَیْلَةُ الْقَدْرِ خَیْر مِّنْ أَلْفِ شَہْرٍ ،، تَنَزَّلُ الْمَلَائِکَةُ وَالرُّوحُ فِیْہَا بِاِذْنِ رَبِّہِم مِّن کُلِّ أَمْرٍ ،، سَلَام ہِیَ حَتَّی مَطْلَعِ الْفَجْرِ ) بنی امیہ تمہارے بعد اس کے مالک بن جائیں گے۔
طبری نے بھی ''تاریخ طبری: ٥٨١٠'' میں اس روایت کو نقل کیا ہے اور سیوطی نے بھی ''تاریخ خلفائ:٢٥''میں اسے ترمذی سے نقل کیا ہے ۔ حاکم نے بھی اسے اپنی مستدرک میںاور ابن جریر نے اپنی تفسیر میں اس روایت کو نقل کیا ہے۔([4])
[4]۔ معاویہ بن ابی سفیان:٢٥
آج کے وزٹر : 248721
کل کے وزٹر : 300908
تمام وزٹر کی تعداد : 122138677
|