(8)

امير المؤمنين‏ حضرت امام علی عليه السلام کا محمّد بن ابى بكر کو خط

   عپايه کہتے ہیں: امير المؤمنين حضرت امام على‏ عليه السلام نے محمّد بن ابى بكر اور اہل مصر کے لئے خط لکھا اور فرمایا:

میں تمہیں تقویٰ اور پرہيزگارى کا حکم دیتا ہوں اور تمہیں خلوت و جلوت میں خداوند کو مدنطر رکھنا چاہئے اور تقویٰ اختیار کرو اور کسی بھی حال میں خدا کو فراموش نہ کرو۔

اے محمّد ! جان لو کہ دنیا مشکلات اور نابودی کا مقام ہے اور آخرت پاداش اور جاودانی زندگانی کا مقام ہے۔ اور اگر تم میں توانائی ہے تو جاودانی مقام کو فانی جگہ پر اختیار کرو اور اس بارے میں توقف نہ کرو اور آخرت کو اختیار کر لو۔

دنيا فانى ہے اور وہ نابود ہو جائے گی لیکن آخرت ہمیشہ رہنے والے ہے۔ خداوند ہمیں اور تمہیں فہم و بصیرت عطا فرمائے اور ہمیں اس حد تک حقیقت کا ادارک دے کہ ہم اس کے اوامر میں کوتاہی نہ کریں اور اس منہیات ( منع کردہ امور) سے تجاوز نہ کریں۔

اے محمّد !اگر تمہارے لئے ناگزیر ہو کہ دنیا سے اپنا حصہ لو تو متوجہ رہو کہ تمہیں آخرت کے حصہ کی زیادہ ضرورت ہے  اور اگر تمہیں دو ایسے موضوعات درپیش ہوں کہ جن میں سے ایک آخرت اور دوسرا دنیا کے بارے میں ہو تو اسے منتخب کرو کہ جو آخرت سے مربوط ہو۔

اے محمّد ! کار خیر میں رغبت دکھاؤ اور اسے بزرگ شمار کرو اور ہمیشہ اپنی نیت خیر کی راہ کی طرف رکھو اور حسن نیت کا مظاہرہ کرو کیونکہ خداوند انسان کی نیت کے مطابق اسے عطا کرتا ہے اور جب بھی اس کی ، اور جب اس کی نیت خیر ہو لیکن اس پر عمل بھی نہ کرے تو وہ ایسے ہی ہے کہ جیسے اس نے وہ کام انجام دیا ہو۔

جب رسول خدا صلى الله عليه و آله و سلم تبوك سے واپس تشریف لا رہے تھے تو آپ نے فرمایا: مدینہ میں لوگوں کا ایسا گروہ بھی تھا کہ تم لوگ جس راہ سے بھی گزرے ، جس درّے کو بھی عبور کیا ، جس پہاڑ پر بھی چڑھے وہ لوگ تمہارے ساتھ تھے ؛ وہ صرف بیماری کی وجہ سے مدینہ میں رہ گئے لیکن ان کی نیت تمہارے ساتھ تھی۔

اے محمّد ! اب جان لو کہ میں نے تمہیں اپنی حکومت کے بہترین شہر اور علاقہ میں ولایت دی  ہے ، مصر کے لوگ میرا بہترین لشکر ہیں اور جب میں نے تمہیں وہاں کی ولایت سونپی تو میں نے تمہیں اس مقام کے لئے شائستہ پایا۔

اب خود پر توجہ کرو اور اپنے دین اور نفس سے ڈرو ، دن میں ایک لمحہ کے لئے اپنے بارے میں سوچو ( اور اپنا محاسبہ کرو) اور کوئی ایسا کام نہ کرو کہ جو تمہارے دین کو نقصان پہنچائے اور تمہیں ہلاکت میں قرار دے اور تمہارت لئے دنیا و آخرت کو تباہ کر دے۔

جہاں تک ہو سکے خدا کی رضائیت حاصل کرو اور بندوں کی خوشنودی کے لئے خود سے خدا کو ناراض نہ کرو ، عاقبت خدا کے پاس ہے اور کسی میں یہ قدرت و طاقت نہیں ہے کہ وہ دنیا کی زندگی کے بعد انسان کی مدد کرے اور اسے نجات دے، اور ظالموں پر سختی کرنے والے بنو اور اہل خیر کے ساتھ نرمی کرو اور انہیں خود سے نزدیک کرو اور اپنے بھائیوں اور محارم کا جزء بناؤ۔ (2027)

2027) الغارات و شرح اعلام آن: 114، جلوه تاريخ در شرح نہج البلاغه ابن ابى الحديد: 203/3 کچھ تھورے سے فرق کے ساتھ.

 

منبع : معاویه : ج ... ص ...