اگر حسین علیہ السلام کا زائر
شقی ہو تو اسے سعید لکھا جائے گا
۱۔ عبد اللہ بن میمون القداح کہتے ہیں کہ میں نے حضرت امام جعفر صادق علیہ السلام سے عرض کیا :جو شخص حسین بن علی علیہما السلام کے حق کی معرفت کے ساتھ آپ کی قبر مطہر کی زیارت کے لئے جائے اور وہ غرور اور تکبر نہ کرے تو اس کے کیا اجر ہو گا ؟
امام صادق علیہ السلام نے فرمایا :
يُكتبُ لهألفَ حجّةٍ مقبولة وألفّ عمرةٍ مبرورةٍ، وإن كان شقيّاً كتب سعيداً، ولم يزليخوض في رحمة اللَّه عزّوجلّ . [1]
اس کے لئے ہزار مقبول حج اور ہزار مقبول عمے لکھے جائیں گے اور اگر وہ شقی ہو تو اسے سعید لکھا جائے گا ۔ یعن یوہ شقاوت اور بدبختی سے نجات پا کر سعادت مند قرار پائے گا اور ہمیشہ خدا کی رحمت کے زیر سایہ رہے گا ۔
۲۔عبد الملک خثعمی نے نقل کیا ہے کہ امام صادق علیہ السلام نے مجھ سے فرمایا :
يا عبدالملك لاتدع زيارة الحسين بن عليّ عليهما السلام ومُرْ أصحابك بذلك، يَمُدّ اللَّه في عمرك، ويزيداللَّه في رزقك، ويحييك اللَّه سعيداً، ولا تموت إلاّ سعيداً ويكتبك سعيداً.[2]
اے عبد الملک ! امام حسین علیہ السلام کی زیارت ترک نہ کرو اور اپنے دوستوں اور ساتھیوں کو اس کا حکم دو ، خداوند تمہاری عمر طولانی کرے اور تمہارے رزق میں اضافہ فرمائے ، اور تمہیں سعادت مندانہ زندگی نصیب فرمائے ، اور تم سعادت کے سوا نہیں مرو گے اور تمہیں سعید لکھا جائے گا ۔
آج کے وزٹر : 0
کل کے وزٹر : 230990
تمام وزٹر کی تعداد : 125880246
|