حیوانات فرمانبردار ہوں گے
اب ہم اس بارے میں وارد ہونے والی بعض روایات پر توجہ کریں ۔
رسول اکرمۖ نے امام عصر علیہ السلام کی بشارت دی ہے اور عصر ظہوراور ان کی حکومت کی خصوصیات کو متعدد مرتبہ ارشاد فرمایا ہے اور اس وقت دنیا اور اہل دنیا حتی کہ حیوانات میں ہونے والے مہم تحوّلات و تغیّرات کی خبر دی ہے۔رسول اکرم ۖ اپنے ایک خطبے میں یوں ارشاد فرماتے ہیں:
... وتُنزع حُمَة كلّ دابّة حتّى يدخل الوليد يده في فم الحَنَش فلايضرّه ، وتلقى الوليدة الأسد فلايضرّها ، ويكون في الإبل كأنّه كلبها ، ويكون الذئب في الغنم كأنّه كلبها ، وتملأ الأرض من الإسلام ، ويُسلب الكفّار ملكهم ، ولايكون الملك إلاّ للَّه وللإسلام ، وتكون الأرض كفاثور الفضّة تنبت نباتها كما كانت على عهد آدم ؛ يجتمع النفر على القِثّاء فتشبعهم ، ويجتمع النفر على الرُّمّانة فتشبعهم ويكون الفرس بدُرَيْهمات .
ہر حیوان سے گزند و ضرر سلب کر لیا جائے گا ۔حتی کہ چھوٹا بچہ زہریلے سانپ کے منہ میں اپنا ہاتھ ڈال دے تو وہ اسے نقصان نہیں پہنچائے گا ۔اگر بچہ شیر کے آمنے سامنے ہو تو شیر اسے نقصان نہیں پہنچائے گا ۔ اونٹوں کے درمیان شیر ایسے ہوگا جیسے ان کا کتا ہو۔بھیڑوں کے درمیان بھیڑیابھی ان کے کتے کی طرح ہوگا۔پوری روئے زمین پر اسلام کا چرچا ہوگا۔کفّار سے ان کی ثروت و جائیداد سلب ہو جائے گی۔کوئی حکومت نہیں ہوگی مگر خدا اور اسلام کی حکومت۔ زمین چاندی کے دسترخوان کی طرح ہے ،جو اپنے نباتات اسی طرح اگائے گی جس طرح وہ آدم کے زمانے میں اگاتی تھی۔
***
روایات کی بناء پر درندے حیوانات میں ایسی تبدیلی آئے گی کہ وہ گوشت خوری کو چھوڑ کر چارہ کھانے و الے جانور بن جائیں گے۔
اس بیان سے واضح ہوجاتا ہے کہ درندوں سے درندگی اور خونریزی کی صفت سلب ہوجائے گی اور وہ چارہ کھاکر اپنی غذائی ضروریات کو پورا کریں گے۔
حضرت امام حسن مجتبی علیہ السلام فرماتے ہیں:
تصطلح في ملكه السباع .
حضرت مہدی علیہ السلام کی حکومت میں درندے ایک دوسرے کے ساتھ صلح و امن سے رہیں گے۔
حضرت امیر المومنین علی علیہ السلام فرماتے ہیں:
اصطلحت السباع والبهائم .
درندے اور چارپائے آرام اور صلح سے رہیں گے۔
منبع : کتاب «وقتی آقا می آید»:28
امام مہدی عجل الله تعالی فرجه الشریف کی آفاقی حکومت :صفحات35-39.
آج کے وزٹر : 137437
کل کے وزٹر : 299523
تمام وزٹر کی تعداد : 122326919
|