مشکلات اور سختیوں  سے نجات کے لئے

امام زمانہ عجل اللہ فرجہ الشریف سے منقول  مجرب دعا

کتاب'' الکلم الطیب'' میں لکھتے ہیں : میں نے ایک بزرگ او رمورد اطمینان سید کی تحریر دیکھی جس میں لکھا تھا:میں نے ١٠٩٣ھ قمری ماہ رجب کو برادر محترم اور دانشورامیر اسماعیل بن حسین بیک بن علی عبن سلیمان جابری انصاری سے سناکہ وہ کہتے ہیں : شیخ متقی حاج علی مکّی کہتے ہیں:

میں کچھ دشمنوں کے درمیان احقاق حق کی وجہ سے گرفتار ہوگیامیرے دشمنوں نے میرے حقوق پائمال کئے اور مجھے اپنی جان کا خوف ہوا جس کی وجہ سے بہت پریشان تھا۔اسی دوران ایک دن مجھے میری جیب میں ایک دعا ملی،میںاس لئے حیران ہوا کہ میں نے کسی سے دعا نہیں مانگی تھی، لہٰذا حیرت زدہ تھا، لیکن رات کو عالم خواب میں ایک شخص کو شائستہ اور زہاد افراد کے لباس میں دیکھا وہ کہہ رہے تھے: ہم نے تمہیں فلاں دعا دی ہے، اسے پڑھو تاکہ تم شدت وپریشانی سے نجات پا سکو۔

مجھے یہ معلوم نہ ہو سکا کہ یہ کہنے والا کون ہے؟ اس وجہ سے میرا تعجب اور بڑھا دوسری مرتبہ امام زمانہ عجل اللہ فرجہ الشریف کو خواب میں دیکھا وہ فرمارہے تھے:

ہم نے تمہیں جو دعا دی ہے اس کوپڑھو او ر جسے چاہو تعلیم دو۔

 ہم نے متعددبار دعا پڑھی او رمیرے امور حل ہوگئے اس عمل کاہم نے تجربہ کیا لیکن ایک مدت کے بعد مجھ سے یہ دعا گم ہوگئی جس کامجھے بہت افسوس ہوا اورمیں اپنے عمل کی بدی پر نادم وپشیمان تھا۔

لیکن ایک شخص آیا او راس نے کہا تمہاری دعا فلاں جگہ گرگئی ہے مجھے نہیں یا د کہ وہاں میں کبھی گیا بھی تھا ،میں اس جگہ گیا اور دعا اٹھائی اوراس کے شکر کے لئے سجدۂ شکر بجالایا ، اور وہ دعا یہ ہے :

بِسْمِ اللَّهِ الرَّحْمنِ الرَّحيمِ

رَبِ اَسئَلُکَ مَدَداً روحانیّاً تَقوی بِهِ قوایَ الکُلِیة و الجُزئیة ، حَتی اَقهَرَ بِمَبادی نَفسی کُلُ نَفسٍ قاهِرَةٍ فَتَنقَبِضَ لی اِشارَةُ َقائِقِها، اِنقباضاً تَسقُط بِه قُواها ، حَتی لا بَیقی فِی الکَونِ ذُو رُوحٍ اِلّا وَ نارُ قَهری قَد اَحرَقَت ظُهُورَه.یا شَدیدُ یا شَدیدُ یا ذَالبَطشِ الشَدید یا قاهِرُ یا قَهّار، اَسئَلُکَ بِما اَودَعتَهُ عِزرائیلَ مِن اَسمائِک اَلقَهریة ، فَانفَعَلَت لَه  النُفُوس بِالقَهرِ اَن تودِعَنی هذا السِّرِّ فی هذهِ السّاعّةِ حَتی اُلَیِن بِه کِلَّ صَعبٍ وَ اُذَلِّل بِه کُلَّ مَنیع ،بِقُوَتِکَ یا ذَا القُوَةِ المَتین.

اگرا مکان ہو تو یہ دعاسحر کے وقت تین مرتبہ ،صبح کے وقت تین مرتبہ اور رات میں تین مرتبہ پڑھیں اور اگربہت سخت مشکل ہو تو اس کے پڑھنے کے بعد تیس مرتبہ یہ دعا پڑھیں:

 يا رَحْمانُ يا رَحيمُ ، يا أَرْحَمَ الرَّاحِمينَ ، أَسْئَلُكَ اللُّطْفَ بِما جَرَتْ بِهِ الْمَقاديرُ .

 

 

منبع: صحیفه مهدیه : 346  /  مولف: سید مرتضی مجتهدی سیستانی

دوسرا  منبع : وبلاگ اول و آخر عشقا مهدی صاحب زمان عجل الله تعالی فرجه الشریف