سوال :

ڇا امام زمانه عجّل الله تعالی فرجه الشریف جي ظهور لاءِ دعا گهرڻ امام زمانه    عجّل الله تعالی فرجه الشریف جي فرمايل هن جملي «وأما ظهور الفرج فإنّه إلی الله»  جي مخالف نه آهي ؟

جواب :

امام زمانه   عجّل الله تعالی فرجه الشریفکان جاري ٿيل هڪ (توقيع) بيان ۾ آيو آهي ته:

«واکثروا الدعاء بتعجيل الفرج، فان ذلک فرجکم» (الإحتجاج : 2 / 471)

اوهان جي طرف جاري ڪيل بيان ۾ ظهور ۾ تعجيل لاءِ گهڻي کان گهڻي دعا ڪرڻ جو حڪم ڏنو ويو آهي.

اهڙيءَ ريت ائمه معصومين علیهم السلام کان  بيان ٿيل روايتن ۾ پڻ ظهور ۾ تعجيل لاءِ گهڻي دعا ڪرڻ جو حڪم ڏنو ويو آهي.

انهن مڙني دعائن ۾ اسان الله پاڪ کان امام جي ظهور ۾ تعجيل جي دعا گهرون ٿا نه ڪي اسان خود امام زمانه عجّل الله تعالی فرجه الشریف کي چئون ٿا . اسان الله پاڪ کان دعا گهرون ٿا ته :

اللهم عجل لولیک الفرج.

خدايا ! امام زمانه عجّل الله تعالی فرجه الشریف جي ظهور ۾ تعجيل فرماءِ.

جيتوڻيڪ مڙني دعائن ۾ اسان الله پاڪ کان دعا گهرون ٿا نه امام زمانهعجّل الله تعالی فرجه الشریف  کان ، ۽ اهو هن جملي سان ڪو به ٽڪراءُ ڪين ٿو رکي :

«وأما ظهور الفرج فانه الي الله» (الاحتجاج : 2 / 470)

ڇو ته ان فرمان جي اعتبار سان امام جو ظهور الله پاڪ سان مربوط آهي. ۽ اسن به پنهنجين دعائن ۾ الله پاڪ کان اها التجاء ڪندا آهيون ته پروردگار امام زمانه ارواحنا له الفداء جن جي ظهور ۾ تعجيل فرماءِ